No Image
No Image

Yeni iqtisadi rayonların əsas göstəriciləri – Hansı rayonun ərazisi və əhalisi nə qədərdir?

Yeni iqtisadi rayonların əsas göstəriciləri – Hansı rayonun ərazisi və əhalisi nə qədərdir?
Azərbaycanda iqtisadi rayonların yeni bölgüsünün aparılmasından sonra regionlar üzrə ərazi sahəsinə, əhali sayına və ümumi məhsul istehsalına dair göstəricilərdə dəyişiklik baş verib.
 
Sfera.az-ın 2019-cu ilə aid olan genişləndirilmiş statistik məlumatlara əsasən apardığı hesablamaya görə, ərazi baxımından ən böyük iqtisadi rayon Qarabağ iqtisadi rayonudur. Ərazi cəhətdən digər böyük iqtisadi rayonlar Şəki-Zaqatala, Şərqi Zəngəzur və Qazax-Tovuz rayonlarıdır. Sahəsi kiçik olan iqtisadi rayonlar isə Bakı, Abşeron-Xızı və Gəncə-Daşkəsəndir.
 
Əhali sayına baxımından ən böyük iqtisadi rayon Bakıdır. Bakı əhalinin çoxluğuna görə digər rayonlardan kəskin fərqlənir. Ölkə əhalisinin 21,1 faizi Bakıda daimi qeydiyyata alınıb.
 
Bakıdan sonra əhali sayı baxımından ən böyük regionlar Lənkəran-Astara, Qarabağ və Qazax-Tovuzdur.

Əhalisi az olan iqtisadi rayonlar Dağlıq Şirvan, Şərqi Zəngəzur və Naxçıvandır.
 
Bakı, ümumi məhsul buraxılışının dəyərinə görə də digər regionlardan kəskin fərqlənir. 2019-cu ildə 91 milyard manatlıq məhsul istehsalının 67 faizi Bakının payına düşür. Bakını Abşeron-Xızı, Naxçıvan və Mərkəzi Aran iqtisadi rayonları izləyir.

Ən az məhsul buraxılışı olan iqtisadi rayonlar isə Şərqi Zəngəzur, Dağlıq Şirvan, Qarabağ iqtisadi rayonları olub.
 
Şərqi Zəngəzurda istehsalın zəif olmasının səbəbi bu iqtisadi zonaya daxil olan rayonların işğal altında qalmasıdır. Qarabağ iqtisadi rayonuna daxil olan ərazilərin bir hissəsinin işğala məruz qalması da iqtisadi göstəricilərə mənfi təsir edib.
 
Xatırladaq ki, əvvəlki bölgüyə əsasən, Azərbaycanın ərazi baxımından ən böyük iqtisadi rayonu Aran (21,15 min kv. km.) və Gəncə-Qazax (12,3 min kv.km.) idi. Əhali sayı və məhsul istehsalına görə isə Abşeron iqtisadi rayonu digərlərindən kəskin fərqlənirdi.

Vasif
 
Sehliyali
Turan Bank

OXŞAR XƏBƏRLƏR

Azərbaycanda toy etmək üçün nə qədər pul lazımdır? - QİYMƏTLƏR

İyulun 1-dən Azərbaycanda karantin tədbirləri çərçivəsində toyların keçirilməsinə icazə verilib. Maraqlıdır ki, ölkəmizdə toy etmək üçün nə qədər vəsait lazımdı...

Bu il kənd təsərrüfatı mallarının ixracında rekord qeydə alınacaq

2021-ci ildə kənd təsərrüfatı məhsullarının ixracında yeni rekord göstərici qeydə alına bilər. İlin ilk yarısının məlumatları göstərir ki, ilin yekununda aqra...

Avtomobil ehtiyat hissələrinə çəkilən xərc 4 dəfə artıb – SƏBƏB

2016-2020-ci illər ərzində Azərbaycanda avtomobil ehtiyat hissələrinə çəkilən xərc 4 dəfədən çox artaraq 400 milyon manatı ötüb.  Rəsmi məlumatlara ə...

Azərbaycanda əhali ən çox hansı spirtli içkini içir? – İldə yarım milyarda yaxın pul xərclənir...

Azərbaycan əhalisi son 5 ildə spirtli içkilərə xərclədiyi pulu 39 faizdən çox artırıb.    2016-cı ildə 311 milyon manatlıq spirtli içki alan əhali ö...

Prezident Mərkəzi Banka yeni səlahiyyət verdi

Prezident İlham Əliyev İnzibati Xətalar Məcəlləsində dəyişiklik edib.   Sfera.az xəbər verir ki, sənədə əsasən, bank və ya bank olmayan kredit təşkilatı ...

“OPEC+” problemi və yeni virus ştamı neft bazarında narahatçılığı artırır - ŞƏRH

"OPEC+” razılaşmasının əldə edilməməsinin ardından yeni COVİD-19 ştamının yayılması neft bazarlarında narahatçılığı bir qədər də artırıb.   Sfera.a...