No Image
No Image

“Uşaqpulu” vermək üçün dövlətə nə qədər pul lazımdır?

“Uşaqpulu” vermək üçün dövlətə nə qədər pul lazımdır?
"Uşaqpulu”nun yenidən bərpa edilməsi ilə bağlı təkliflər son günlər sosial şəbəkələrdə ən çox müzakirə edilən mövzulardan biridir. 

Rəylərdən məlum olur ki, əksəriyyət "uşaqpulu”nun bərpasının tərəfdarı olsa da, onun məbləği ilə bağlı ortaq fikir yoxdur. "Uşaqpulu”nun aylıq məbləğinin 50, 100, hətta 300 manat təklif edən fikirlərə rast gəlmək olur. Bəziləri isə "uşaqpulu”nun yaşayış minimumu səviyyəsində, yəni 175 manat verilməsini təklif edir.  

Bəs, qeyd edilən məbləğlərdə "uşaqpulu”nun təyin edilməsi üçün dövlətə nə qədər pul lazımdır?

Məbləği dəqiq müəyyənləşdirmək üçün ölkəmizdə olan uşaqların sayını bilmək lazımdır.

Sfera.az xatırladır ki, 2020-ci ilin yanvarın 1-nə olan məlumata əsasən, yaşı 18-ə qədər olan Azərbaycan vətəndaşlarının sayı 2,637 milyon nəfərdir. Əgər uşaqların sayına görə hər ay 50 manat müavinət verilərsə, bunun üçün ayda 131,85 milyon manat, bir ildə 1,582 milyard manat vəsait lazımdır. 

"Uşaqpulu” 100 manat olacağı təqdirdə dövlət büdcəsindən aylıq 263,7 milyon manat, illik 3,164 milyard manat ayrılmalıdır. 

Dövlət yaşayış minimumu əsasında müavinət vermək istəsə, ona ayda 461,5 milyon manat, ildə 5,537 milyard manat lazımdır. 

Daha radikal təklifə görə uşaqlara hər ay 300 manat müavinət verilməlidir. Bunun üçün dövlət büdcəsindən hər ay 791,1 milyon manat, ildə 9,5 milyard manat xərclənməlidir. 

Xatırladaq ki, ölkəmizdə 2006-cı ildən "uşaqpulu” verilmir. Onun əvəzində yoxsul ailələrə ünvanlı sosial yardım ayrılır. 2021-ci ilin dövlət büdcəsindən ünvanlı sosial yardım üçün 257,7 milyon manat, 2020-ci ildə 244,1 milyon manat ayrılmışdı. Ünvanlı yardımdan 299 min insan, o cümlədən 163 min uşaq yararlanıb. 

İndiki yardım sistemi uşaqların 6,2 faizini əhatə edir və ünvanlı yardım alan ailələrdəki uşaqların hər birinə ayda orta hesabla 50 manat yardım düşür. Buradan görünür ki, dövlət uşaqlar üçün hər ay cəmi 8,15 milyon manat, ildə 97,8 milyon manat xərcləyib. Əgər bu məbləğ "uşaqpulu” şəklində bütün uşaqlara ayrılsa, onda bir uşağa ayda 3,1 manat pul düşür. 

Vasif
Sfera.az
 


Turan Bank

OXŞAR XƏBƏRLƏR

“Uşaqpulu” vermək üçün dövlətə nə qədər pul lazımdır?

"Uşaqpulu”nun yenidən bərpa edilməsi ilə bağlı təkliflər son günlər sosial şəbəkələrdə ən çox müzakirə edilən mövzulardan biridir.  Rəylərdən məlum o...

Aprelin 1-dən xüsusi karantin rejimi ləğv ediləcək? - Əks halda...

Pandemiya və bununla əlaqədar tətbiq edilən xüsusi karantin rejiminin 2021-ci ildə yumşaldılması səbəbindən dünyanın əksər ölkəsində, o cümlədən Azərbaycanda iq...

"Ona qalsa, Rusiyada həmişə şaxtadır..." - Ekspert qarlı havanın kənd təsərrüfatına təsirlərindən danışdı

Bir neçə gündür, ölkəmizdə havanın temperaturu kəskin şəkildə aşağı düşüb. Alışmadığımız bu cür hava şəraiti isə bir çox sahələrin fəaliyyətinə təsirsiz ötüşm...

Pensiya kapitalınının məbləği yeni qaydada hesablanacaq? - Prezidentin tapşırığı böyük dəyişikliklərdən xəbər verir

"Sosial təminat sisteminin daha effektiv və ədalətli olması hesabına aşağıgəlirli və yoxsulluğa həssas təbəqənin, əlilliyi olan şəxslərin, o cümlədən sağlamlı...

Elman Rüstəmov Mərkəzi Bank üçün tikiləcək 218 milyon avroluq binadan DANIŞDI

Azərbaycan Mərkəzi Bankının (AMB) sədri Elman Rüstəmov rəhbərlik etdiyi qurum üçün 218 milyon avroya yeni inzibati bina tikilməsinə münasibət bildirib.   ...

Bu iki rayona qayıdış, məcburi köçkünlərin 45 faizinin... – Qarabağın bərpa planı necə olacaq?

İşğaldan azad edilən ərazilərə qayıdışın mərhələlərlə, müəyyən qrafik əsasında həyata keçirilməsi gözlənilir. Azad edilən ərazilərdəki ağır vəziyyət, tələb ed...