No Image
No Image

Türkiyədən 10 manata alınan mallar Azərbaycanda 50 manata satılır - Səbəblər

Türkiyədən 10 manata alınan mallar Azərbaycanda 50 manata satılır - Səbəblər
Son 2 ildə Türkiyədə milli valyutanın kəskin ucuzlaşmasına baxmayaraq bu ölkədən idxal edilən geyim malları Azərbaycanda olduqca yüksək qiymətə satılır. Türkiyə və Azərbaycanın pərakəndə satış bazarında mövcud olan qiymətlərin müqayisəsi göstərir ki, bir çox geyim növlərində qiymət fərqi 3-4 dəfəyə çatır. "Qardaş ölkə”də 10 manata satılan geyim malları ölkəmizdə 30-40, hətta bəzi hallarda 50 manata satılır.
 
Sfera.az bildirir ki, Azərbaycana idxal edilən geyim mallarının təxminən yarısı Türkiyədən gətirilir. 2021-ci ilin yanvar-may ayları ərzində 100 milyon dollara yaxın geyim malları idxal olunub ki, bunun da 49,1 milyon dolları Türkiyədən alınıb.
 
İqtisadçı-ekspert Nazim Bəydəmirli Sfera.az saytına açıqlamasında bildirdi ki, türk geyim mallarının mənşə ölkə ilə müqayisədə Azərbaycanda bir neçə dəfə baha satılması sahibkarlarla bağlı olan məsələ deyil. Ekspertin fikrincə, qiymətlərdə yaranan kəskin fərq Dövlət Gömrük Komitəsinin fəaliyyəti ilə bağlıdır: "Əgər qiymətlərin formalaşması yalnız biznes adamlarından asılı olsaydı kəskin qiymət fərqi yaranmazdı. Biznes rəqabəti sevir və rəqabət olan yerdə də qiymətlər daha əlverişli olur.
 
Qiymətlərin kəskin fərqlənməsinin yeganə səbəbi gömrük orqanlarının apardığı fiskal siyasətdir. Gömrük Komitəsi proqnoz göstəricilərini artırmaq məqsədilə idxal edilən mallar üzrə bəyannamə qiymətini şişirdir və nəticə etibarilə süni qiymət artımı yaradılır. Buna qarşı sahibkarlar öz etirazlarını vaxtaşırı bildirir. Amma etirazlar nəticə vermir, əksinə, idxal edilən mallar günlərlər, həftələrlə, gömrük anbarlarınada saxlandığından sahibkarların xərcləri artır.
 
Gömrük orqanlarının bu cür davranışı sahibkarların mənfəətlə işləməsini əngəlləyir, faktiki olaraq sahibkarların gələcək gəlirləri gömrükdə öncədən alınır.
Beləliklə, qiymətlərə təsir edən əsas səbəblər dövlətin müəyyənləşdirdiyi tariflərlə bərabər gömrük orqanının apardığı siyasətdir. Çox təəssüf edirəm ki, Azərbaycanda istehsal edilməyən mallar ölkə bazarına daxil olan zaman belə süni maneələri aşmağa məcbur olur”.

N.Bəydəmirli qeyd etdi ki, idxal edilən malların üzərinə gələn vergi, rüsum və digər gömrük xərcləri sonradan vətəndaşlar ödəyir. Ekspert dedi ki, qiymətlər yüksəldikdə vətəndaşlarda narazılıq artır, qiymətlərin yüksək olması ilə bağlı şikayətlər olur.   
 
Vasif
 
Sehliyali
Turan Bank

OXŞAR XƏBƏRLƏR

Buğda ilə özünütəminetmə pisləşib – Statistika nə deyir?

2020-ci ildə Azərbaycanda buğda ilə özünütəminetmə səviyyəsi 57,1 faizə geriləyib. Bu göstərici 2019-cu ildə 57,2 faiz, 2018-ci ildə 64,8 faiz idi.   ...

Azərbaycanda “yaşıl kredit”lər niyə yoxdur? - Açıqlama

Dünyanın bir çox ölkəsində banklar "yaşıl kredit” məhsullarını təklif edir. Açıqlanan məlumatlar göstərir ki, "yaşıl kredit”lərə tələb böyükdür və ildən-ilə b...

ABB-dən milli paralimpiya komandasına dəstək!

Ölkəmizdə idmanın inkişafına dəstək verən ABB Tokio Yay Paralimpiya oyunlarında Azərbaycan milli komandasının maliyyə tərəfdaşı kimi çıxış edir.   ...

340 min qanunsuz evə "kupça" veriləcək – Sənədləşmə bu ərazidən başlayacaq

Qanunsuz evlərin sənədləşdirilməsi prosesinə Abşeron rayonundan başlanılacaq. Sfera.az bildirir ki, hökumət əhalinin səbirsizliklə gözlədiyi bu qərarı ya...

“Aİ-95” markalı benzin ucuzlaşacaq – Bu tarixdən sonra...

Azərbaycanda "Aİ-95” markalı avtomobil benzininə tələbin artması müşahidə edilir. Bununla əlaqədar olaraq son illərdə ölkəmizə daha çox "Aİ-95” benzini idxal ol...

“Aİ-98” markalı benzinin bahalaşması nə ilə nəticələnək? - İZAH

2021-ci ilin avqustun 1-dən Azərbaycanda "Aİ-98” markalı avtomobil benzinin 1 litrinin pərakəndə satış qiyməti 5 qəpik artırılaraq 1,6 manata çatdırılıb. ...