Tramp FED rəhbəri ilə razılaşmadı
12:30 / 15.07.2019
2835
ABŞ Prezidenti Donald Tramp bildirib ki, onun ölkəsi Federal Ehtiyatlar Sisteminin (FED) başçısı Cerom Pauell tərəfindən həyata keçirilən siyasətin əksinə olaraq böyük iqtisadi uğurlar əldə edir.
"Biz Federal Ehtiyatlar Sisteminin faiz dərəcələri və miqdar kəskinləşməsi proqramı ilə bağlı köhnəlmiş siyasətinə baxmayaraq, iqtisadi planın öhdəsindən bir nömrəli ölkə kimi gəlirik", - deyə o, "Twitter"də yazıb.
"Bizim inkişaf etmək imkanımız var", - deyə ABŞ Prezidenti əlavə edib.
"Report” xatırladır ki, daha əvvəl ABŞ Federal Ehtiyat Sisteminin sədri Cerom Pauell Ağ evdə ABŞ Prezidenti Donald Trampla görüşüb.
