Tovuzdan dünyaya mesaj — MÜHARİBƏ QAÇILMAZDIR və...

Tovuzdan dünyaya mesaj — MÜHARİBƏ QAÇILMAZDIR və...
 Millət vəkili Azər Badamov Azərbaycan-Ermənistan sərhhədinin Tovuz rayonu istiqamətində düşmənin həyata keçirdiyi təxribatla bağlı Redaktor.az-a müsahibə verib. O, bir çox məqamlara aydınlıq gətirib.
 

- Azər bəy, Ermənistan-Azərbaycan sərhhəddində baş verən hadisələri necə qiymətləndirirsiniz?

- Ermənistan-Azərbaycan sərhədində baş verən hadisələri qiymətləndirərkən xüsuilə bir neçə məqama diqqət yetirməliyik.

Birincisi, Ermənistanda dərinləşən siyasi-iqtisadi böhrandan yaranan vətəndaş narazılıqlarını sakitləşdimək xarakterini daşıyır. Çünki Paşinyan hakimiyyətə gələndə ermənilərə cənnəti vəd etmişdi. Amma reallıq onu göstərdi ki, nəinki hər hansı müsbət irəlliləyişə nail olmaq, hətta ondan əvvəlkilərin qurduqlarını da yavaş-yavaş məhv etdi və ölksində diktator rejimi qurdu.

İkincisi, Dağlıq Qarabağ və onun ətrafında işğal olunmuş rayonları beynəlxalq ictimaiyyət Azərbaycanın işğal olunmuş torpaqları kimi tanınır. Bu gün dünya ölkələri həmişəkindən də çox Azərbaycanı dəstəkləyir. Azərbaycanın münaqişənin danışıqlar yolu ilə həll olunmasının tərəfdarı olmasına baxmayaraq, düşmən tərəfi sadəcə vaxtı uzatmaq üçün danışıqlara getmək istəmir. Ermənilər bilirlər ki, Qarabağda müharibə başlasa, bu, işğalın sonu deməkdir və ona görə də Qarabağ sərhədlərindən uzaqda, Tovuz istiqamətində təxribat törətməklə diqqətimizi Qarabağdan yayındırmaq istədi.

Üçüncüsü, Azərbaycanın dünyada nüfuzu günü-gündən artır. Azərbaycanın təşkilatçılığı ilə TDƏŞ-nın və Qoşulmama Hərəkatının onlayn zirvə toplantıları təşkil olundu. COVID-19 infeksiyası ilə bağlı xüsusi sesiyasının çağırılması ilə əlaqədar  BMT-yə göndərdiyimiz müraciət dünya ölkələri tərəfindən dəstəkləndi və 10-iyulda xüsusi sesiyasının gündəliyi təsdiq olundu. Ermənilər öz paxıllığını gizlədə bilməyərək, sərhəddə münaqişə törətmək, Azərbayacnın beynəlxalq imicinə ləkə vurmaq istədi. Vəziyyət isə tamamilə əksinə oldu. Bütün dünya erməniləri günahlandırdı və Azərbaycana dəstək olduğunu nümayiş etdirdi.

- Sizcə, Azərbaycan yaranmış vəziyyətdən istifadə edib, işğal altında olan ərazilərdə hərbi əməliyyatlara başlamalıdırmı?

- Mən bununla razı deyiləm. Çünki işğal altındakı torpaqlar bizim ərazilərimizdir. Torpaqlarımızın işğaldan azad olunması ilə əlaqədar BMT-nin dörd qətnaməsi və digər beynəlxalq təşkilatların qətnamə və bəyanatları mövcuddur. Azərbaycana işğal altındakı torpaqlarda hərbi əməliyyatlara başlamaq üçün hər hansı erməni təxribatına ehtiyacı yoxdur. Azərbaycanın ərazi bütövlüyünün təmin edilməsi haqqıdır və beynəlxalq hüquq da bizim tərəfimizdədir.

Azərbaycanın nə vaxt hərbi əməliyyatlara başlaya biləcəyini ölkə başçısı hamımızdan yaxşı bilir. Prezident dünyada, regionda baş verən prosesləri daha yaxşı görür və əlbəttə ki, hərbi əməliyyatlara başlanması üçün optimal mühit yarananda qərarını verəcəkdir. Biz vətəndaşlar isə emosiyalara qapılmamalıyıq və hadisələrə təmkinlə yanaşaraq, Ali Baş Komandanın qərarını gözləməliyik. Biz müharibəni elə başlamalıyıq ki, bu, tam qələbə ilə nəticələnsin.

- Tovuz hadisələri bizə və dünyaya hansı mesajı verdi?

- Tovuz hadisələri dünyaya bir daha göstərdi ki, Azərbaycan əhalisi torpaqların işğal altında qalması ilə razılaşmayacaq və hamılıqla səfərbər olunmağa hazırdır. Prezidentin bir çağırışına 50 mindən çox insan müharibəyə getmək üçün qeydiyyatdan keçdi. Bütün dünyada yaşayan Azərbaycanlılar da lazım olan vaxtı vətənə qayıdacaqlarını bildirir. Bu, bir daha onu göstərdi ki, ölkəmizdə xalq iqtidar birliyi möhkəmdir. Azərbaycan əhalisi Prezidentin qərarlarından razıdır və erməniləri torpaqlarımızdan qovmaq üçün Ali Baş komandanın əmrini gözləyir.


OXŞAR XƏBƏRLƏR

General Polad Həşimov buna görə canını FƏDA ETDİ və ABŞ-ın... - SENSASİON DETALLAR

 "Azərbaycan artıq Avropanın enerji bazarında bir oyunçudur, qitənin enerji təhlükəsizliyində söz sahibi olmağa başlayıb. Rusiya da birbaşa buna mane ola b...

“Evimdə oturmuşam, söz verirəm ki…” – Elmar Məmmədyarov danışdı

  Prezident İlham Əliyevin sərəncamı ilə Xarici işlər naziri vəzifəsindən azad olunan Elmar Məmmədyarov gununsesi.org-a müsahibə verib. Sfera.az&nbs...

Azərbaycanda bu qədər adam koronavirusa yoluxacaq - 2021-Cİ İLƏ QƏDƏR...

Tibb üzrə fəlsəfə doktoru, tanınmış həkim Vasif İsmayılın koronavirusla bağlı Redaktor.az-a maraqlı müsahibə verib. O, bir çox məqamlara aydınlıq gətirib. ...

“Önləyici tədbirlərlə yoluxma sayının azalacağına əminəm” - Azərbaycanlı həkimlə müsahibə

  Azərbaycan Tibb Universitetinin dosenti, tibb üzrə fəlsəfə doktoru, yoluxucu xəstəliklər üzrə mütəxəssis Elza Orucova Teleqraf.com-un suallarını ca...

“Nadejda, tez ol, yığış, Şuşaya gedirik…” - Tətilə Şuşaya gələn, burada evlənən rus xanımla MÜSAHİBƏ

Sfera.az ömrünün yarıdan çoxunu Şuşada keçirən 1953-cü il doğumlu Quliyeva Nadejda Alekseyevna ilə müsahibəni oxucularına təqdim edir. - Salam. Öncə özün...

Azərbaycanda koronavirusla bağlı son vəziyyət - Sevindirici AÇIQLAMA

  Sfera.az TƏBİB-in Yoluxucu xəstəliklər işçi qrupunun rəhbəri, Nazirlər Kabineti yanında Operativ Qərargahın üzvü Vasif Əliyevin Day.Az-a müsahibəsini tə...