Qadağan şəxsiyyəti müəyyən etməyə maneəçilik törədən geyimlərə də aiddir

Ötən həftə ard-arda baş verən partalayışlarla sarsılan Şri-Lanka niqabı qadağan edib. Ölkə prezidenti Maytripala Sirisena insanın üzdən şəxsiyyətini müəyyən etməyə maneəçilik törədən istənilən geyim növündən istifadəni qadağan edən sərəncam imzalayıb.

Bildirilir ki, qadağa aprelin 29-dan qüvvəyə minəcək. Bu addım ötən həftə silsilə terror aktları yaşanan ölkədə vəziyyətin sabitləşdirilməsi məqsədi ilə atılıb.

Xatırladaq ki, ancaq ötən bazar bir-birinin ardınca 8 partlayış törədilib. Nəticədə 360 nəfər ölüb, yüzlərlə adam yaralanıb. Həftə ərzində də müxtəlif regionlarda partlayışlar qeydə alınıb.