“Rusiya Prezidenti Vladimir Putin və Çin Prezidenti Si Cinpin Pekində təkbətək söhbət zamanı Ukrayna ətrafındakı vəziyyəti ətraflı müzakirə ediblər”.

Sfera.az bildirir ki, bunu Rusiya Prezidentinin köməkçisi Yuri Uşakov deyib. O, bu barədə jurnalist Pavel Zarubinin sualını cavablandırarkən danışıb.

“Çin Xalq Respublikasının sədri və prezidentimiz ayrı-ayrılıqda danışıblar” – o qeyd edib.

Ümumilikdə Rusiya və Çin liderləri birlikdə 12 saatdan çox vaxt keçiriblər. Səhər saatlarında onlar həmçinin geniş tərkibdə danışıqlar aparıblar. Bundan sonra dövlət başçıları hərtərəfli tərəfdaşlıq münasibətlərinin və strateji qarşılıqlı fəaliyyətin dərinləşdirilməsinə dair Birgə Bəyanat imzalayıblar.

Yuri Uşakov deyib ki, Putin və Si Cinpin arasında danışıqlar yaxşı keçib. Onlar ticarət, iqtisadi və xarici siyasət məsələlərini müzakirə ediblər.

Günay