Finlandiyanın Vantaa şəhərində məktəbdə atışma olub.

Sfera.az xəbər verir ki, 800 nəfər şagirdin təhsil aldığı məktəbə silahlı şəxs hücum edib. Finlandiya polisindən verilən ilkin məlumatlara görə, hücumdan zərər çəkənlərin hamısının 12 yaşında olduğu və 3 şagirdin yaralandığı bildirilib.

Yaralanan 3 şagirddən biri xəstəxanada dünyasını dəyişib. Şübhəlinin yaşı 15-dən az olduğuna görə, o, nəzarətə götürülməyib və Sosial Xidmətlər Agentliyinə təhvil verilib.

Onun hücumu hansı səbəbdən törətdiyi hələlik məlum deyil.

Ülkər Abdurahmanlı