Dərs yükü azaldılır? - Nazirdən AÇIQLAMA

“İbtidai dərs yükünün azaldılması nəzərdə tutulmur, çünki bizə görə çox deyil”. 

Sfera.az xəbər verir ki, bunu Elm və Təhsil Nazirliyinin 29 fevral 2024-cü il tarixli brifinqində nazir Emin Əmrullayev jurnalistlərin suallarını cavablandırarkən deyib.

“Azərbaycan məktəbində dərslərin sayı da, həftələr də azdır. Keçmişdə oxuyanlar indi oxuyanlarla müqayisədə elə bil 12 il oxuyublar. Biz uşağımızın qonşu ilə rəqabət aparmasını istərdik, yoxsa dünya ilə? Bizim məzmun uyğundur, nə ağırdır, nə də çətin. Biz tədrisi həddən artıq arzularla yükləmişik. O, yazıq uşağın üstünə yüklənib. Mən bunun üçün gərək saatları azaldım, bu zaman gərək müəllim sayı da azalsın. Əgər sifariş belədirsə, mən edim. 24 saat müəllimlərin maaşıdır. Biz qərar versək ki, saatı 22 saat edək, bu o deməkdir ki, müəllimlərin maaşını da azaldırıq. Bizdə 100-dən 8-10 uşaq var ki, Sinqapur kimi yerlərdə təhsil alanlardan geri qalmır. Təhsilin ağır, yüngül olmasını necə müəyyən edirik?”  

Firuzə Əliyeva