Elm və təhsil naziri “Yüksəliş”in qalibləri ilə görüşdü - FOTO

Elm və təhsil naziri “Yüksəliş”in qalibləri ilə görüşdü - FOTO

Elm və təhsil naziri Emin Əmrullayev üçüncü “Yüksəliş” müsabiqəsinin qalibləri İlahə Baxışova Tahirli və Rəsul Həşimovla görüşüb.

 

Elm və Təhsil Nazirliyindən Sfera.az-a verilən məlumata görə, mentorluq proqramı çərçivəsində keçirilən görüş zamanı nazir qalibləri təbrik edib və mentor olaraq birillik fərdi inkişaf planı əsasında onlarla təcrübəsini bölüşəcəyini, həmçinin potensiallarını üzə çıxarmağa dəstək olacağını bildirib.

 

Görüşdə Emin Əmrullayev qalibləri Elm və Təhsil Nazirliyinin fəaliyyəti, gələcək inkişaf hədəfləri barədə məlumatlandırıb. Nazir son illərdə aparılan təhsil islahatları və bu sahədə inkişafa dəstək olacaq işlər barədə qaliblərin fikirlərini dinləyib.

 

Üçüncü “Yüksəliş” müsabiqəsinin qalibləri isə öz növbələrində təşəkkür edərək mentorluq proqramı çərçivəsində Emin Əmrullayevin şəxsi təcrübəsindən faydalanmaqdan məmnunluqlarını bildiriblər.

 

Qeyd edək ki, “Yüksəliş” müsabiqəsi Azərbaycan Respublikası Prezidentinin 26 iyul 2019-cu il tarixində imzaladığı Sərəncamla təsis olunub. Müsabiqə 21-51 yaş aralığında, ikiillik idarəçilik təcrübəsi olan, ali təhsilli Azərbaycan Respublikasının vətəndaşlarını əhatə edir.

 

Müsabiqə 5 mərhələdən – qeydiyyat, onlayn seçim, əyani, yarımfinal və finaldan ibarətdir. Müsabiqə qalibləri idarəçi rəhbərlər (//yukselish.az/mentors.html) tərəfindən birillik fərdi inkişaf planı və hər biri 20 min manat məbləğində özünüinkişaf qrantı əldə edirlər.

 

Sayca dördüncü “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti tərəfindən 25 dekabr 2023-cü il tarixində Sərəncam imzalanıb.


OXŞAR XƏBƏRLƏR

Prezident: "COP29-a ev sahibliyi etmək və bu işə töhfə vermək istəyimiz yaşıl gündəliyimizi nümayiş etdirir"

Prezident İlham Əliyev martın 1-də Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində na...

Azərbaycan səfiri Matuş Buşovski ilə GÖRÜŞDÜ

Azərbaycanın Gürcüstandakı səfiri Faiq Quliyev Slovakiyanın bu ölkədəki səfiri Matuş Buşovski ilə görüşdə Ermənistanla şərti sərhəddə qarşı tərəfin törətdiyi in...

Azərbaycanla Albaniya arasında qarşılıqlı viza tələbi aradan QALDIRILDI

Azərbaycanla Albaniya arasında qarşılıqlı viza tələbi aradan qaldırılıb.   Sfera.az xəbər verir ki, bununla əlaqədar martın 1-də Bakıda “Azərba...

Hikmət Hacıyev: "Azərbaycan Ermənistandan ərazi iddialarına aydınlıq gətirməsini gözləyir"

Azərbaycan Ermənistandan hələ də “miatsum” elementini özündə əks etdirən hüquqi və konstitusiya sənədlərinə, eləcə də digər ərazi iddialarına aydınl...

"NATO-Rusiya müharibəsi başlaya bilər" - ABŞ-nin müdafiə naziri

“Ukrayna süqut etsə, Rusiya və NATO birbaşa hərbi münaqişəyə girə bilər”.   Sfera.az xarici KİV-ə istinadən xəbər verir ki, bunu ABŞ-nin ...

"Kontakt"da "8 Mart"a özəl xüsusi kampaniya - İNDİ AL, 3 AY SONRA ÖDƏ

“Kontakt” mağazalar şəbəkəsi hamının mart ayında səbrsizliklə gözlədiyi kampaniyaya start verdi. Elə bu gündən martın 10-dək “8 Mart”a ö...