Tanınmış jurnalist Mübariz Mənsimova \"dələduz\" dedi: \"GƏMİNİZ BATSIN...\"

"Yeni Müsavat" qəzetinin şef-redaktoru, tanınmış jurnalist Azər Ayxan Məhəmməd Əmin Rəsulzadənin adına köhnə gəmi verdiyinə görə "Palmali Group” şirkətlər qrupunun prezidenti Mübariz Mənsimovu tənqid edib. 

Sfera.az xəbər verir ki, Azər Ayxan Mübariz Mənsimovu dələduzluqda ittiham edib:

"Mübariz Mənsimovun batan gəmisi, üzə çıxan yalanı. Məhəmməd Əmin Rəsulzadənin ruhu bu saxtakarlığın baş tutmasına, azərbaycanlıların ülvü hissləri ilə oynayıb siyasi xal qazanmağa imkan vermədi. Dələduzlar... Nə Mübarizin Rəsulzadə umurundadı, nə də Mənsimova bəy tərifi demək üçün növbəyə dayananların. Hərənin öz marağı vardı bu işdə. M.Mənsimov köhnə gəmilərinə Rəsulzadə, Elçibəy adı verməklə hakimiyyəti qıcıqlandırır. Azərbaycan iqtidarını şantaj edir. Ona tərif demək üçün sıraya dayananlar da Mənsimovdan para çəkə biləcəklərini zənn edirlər. Gəminiz batsın...".