Sumqayıtda kalsium karbonat istehsalı zavodu inşa olunacaq
19:47 / 06.10.2021
2897
Sumqayıt Kimya Sənaye Parkının ərazisində boya istehsalında üyüdülmüş kalsit (kalsium karbonat) istehsal edəcək zavod inşa olunacaq.
İqtisadiyyat Nazirliyindən Sfera.az=a verilən məlumata görə, istehsal Çin və Türkiyənin qabaqcıl texnologiyalarının tətbiqi ilə həyata keçiriləcək.
İllik istehsal gücü 36 min ton təşkil edəcək müəssisədə 40 daimi iş yeri yaradılacaq.
İstehsal olunacaq məhsullar daxili bazarın tələbatını ödəməklə yanaşı, "Made in Azerbaijan" brendi ilə xarici ölkələrə də ixrac ediləcək.