\"Sumqayıt\" Araz Abdullayevlə müqavilə imzaladı
11:06 / 15.01.2022
916
"Sumqayıt” dövrələrarası fasilədə daha bir futbolçunu heyətinə cəlb edib.
Sfera.az "gənclik şəhəri" təmsilçisinin rəsmi saytına istinadən xəbər verir ki, son olaraq Kiprin "Etnikos” klubunda çıxış etmiş Araz Abdullayevlə 6 aylıq müqavilə imzalanıb.
30 yaşlı yarımmüdafiəçinin sözləşməsi daha iki il artırıla bilər. Azərbaycan millisinin üzvü komandada 78 nömrəli formada çıxış edəcək.
Qeyd edək ki, Araz Abdullayev "Etnikos”da meydana çıxdığı 12 qarşılaşmada 3 məhsuldar ötürmə ilə yadda qalıb. Yarımmüdafiəçi "Neftçi”, "Panionios” (Yunanıstan) "Qəbələ”, "Anortosis” (Kipr), "Qarabağ” və "Boluspor” (Türkiyə) kimi klubların uğurları üçün də çalışıb.
