"Sosial şəbəkələrdə xaosun qarşısı alınmalıdır" - Ramin Əhmədov

 "ABŞ Prezidenti Donald Trampın sosial şəbəkələrlə bağlı son fərmanı dövrün reallıqları xüsusunda adekvat addım kimi qəbul olunmalıdır. Bu fərmana əsasən 1996-cı ildə ABŞ-da qəbul edilmiş "Kommunikasiya Müdafiə Aktı"nın 230-cu paraqrafının ləğvi ilə bağlı qərar ləğv olunur. Həmin Aktda əsasən texnoloji şirkətlər öz sosial şəbəkələrində, platformalarında yayılan informasiyaların məzmununa görə məsuliyyət daşımırlar. Amma bundan sonra belə olmayacaq. Hər bir sosial şəbəkə sahibi öz məsuliyyətini dərk edəcək və rəhbərlik etdiyi platformada baş verən proseslərə ciddi nəzarət etmək məcburiyyətində qalacaq. Trampın imzaladığı bu fərman dünyada sosial şəbəkələrlə bağlı yaşanan xaosun sonlandırılması və ciddi hüquqi bazanın yaradılması üçün təkan ola bilər".

Sfera.Az xəbər verir ki, bu sözləri Yeni Azərbaycan Partiyası Nizami rayon Təşkilatının sədr müavini Ramin Əhmədov ABŞ prezidenti Donald Trampın sosial şəbəkələrlə bağlı imzaladığı son fərmanın əhəmiyyətindən danışarkən deyib.

Onun sözlərinə görə, bu platformalardakı xaosun qarşısını yalnız ciddi hüquqi tədbirlərlə almaq olar: "Bu gün dünyada çox mənfi tendensiya hökm sürür. Sosial şəbəkələrə çıxışı olan hər bir şəxs platformaların imkanlarından istifadə edərək, müxtəlif vəzifəli şəxslərə, siyasi qruplara qarşı çirkin kampmaniya aparır. Həmçinin sosial şəbəkələrdə terrora, qanunazidd əməllərə, siyasi quruluşun zorla dəyişdirilməsinə təhrik edən paylaşımlar müxtəlif qruplar tərəfindən digər ölkələrin rəhbərliklərinə qarşı istifadə olunur. Bunun qarşısı mütləq şəkildə alınmalıdır. İnsanlar öz məsuliyyətlərini dərk etməli, sosial platformaların sahibləri isə bu məsələdə istifadəçilərə ciddi qadağalar tətbiq etməlidirlər. Yoxsa bütün dünyada vəziyyət nəzarətdən çıxacaq".

Ramin Əhmədov bildirib ki, əgər dünya ölkələri bu məsələdə vaxtında birlik nümayiş etdirməsə, qeyri-qanuni davranışlar, vətəndaş müharibəsinə təhrik meyilləri və terrora çağırış kütləvi hal alacaq, etnik münaqişələr artacaq: "Düşünürəm ki, bütün dünya ölkələri və nüfuzlu beynəlxalq təşkilatlar sosial şəbəkələrlə bağlı qlobal hüquqi sistemin yaradılması ilə bağlı təşəbbüslərlə çıxış etməlidirlər. Əlbəttə ki, Azərbaycan da bu platformalarla bağlı hüquq sistəmin yaradılmasına öz töhvəsini verə bilər. Sosial şəbəkələrlə hüquqi məsuliyyətin yaradılması heç bir halda söz azadlığının məhdudlaşdırılması kimi başa düşülməməlidir. Bu, birmənalı şəkildə insan haqlarının qorunması və təhlükəsizliyin təmin olunması baxımından vacib addımdır ".

OXŞAR XƏBƏRLƏR

Avtomobillə icazəsiz hərəkət edənlərin diqqətinə - Bu yolla cərimələnəcəksiniz + VİDEO

  Stasionar polis postlarının ləğv edilməsindən istifadə edərək avtomobillə icazəsiz hərəkət edənlər xüsusi texniki avadanlıqlarla müəyyən edilir. Daha so...

Oqtay Şirəliyev haqqında ilginc iddialar - FOTO

  "Yadınızdadırsa, mart ayında koronavirus testləri ilə əlaqədar Səhiyyə nazirliyinə 38 milyon manat vəsait ayrılmışdı. Dövlət büdcəsindən isə 2020-ci il ...

Kimlərsə “şellənsin” deyə, ölkəni virusun cənginə buraxmayaq

 Karantin rejiminin qaydalarına əməl etmək, evə qapanmaq, alış-verişini, gəzintini ikicə saatın sərhədləri çərçivəsinə sığışdırmaq, sosial həyatdan, doğmal...

Koronavirusdan sağalan insanlar yenidən yoluxa bilərlər – RƏSMİ

  Koronavirusdan sağalan insanlar da yenidən bu virusa yoluxa bilərlər, ona görə onlar da tibbi maskalardan istifadə etməlidirlər. Bunu COVID-19-la mübar...

Rusiyanın 102-ci hərbi bazası: Ermənistanın təhlükəsizliyinin təminatçısı, yoxsa təhlükə mənbəyi?

  İyulun 4-də Ermənistanın Gümrü şəhərində yerləşən Rusiyaya məxsus 102-ci bazada hərbi qulluqçunun meyiti aşkarlanıb. Bu, rusiyalı hərbi heyətlə bağlı ci...

Azərbaycanda karantin rejimi 60 günədək uzadılacaq? - RƏSMİ

  "Azərbaycanda iyunun 21-də karantin rejimi sərtləşdirildi və həmin dövrdən bir-iki həftə ərzində biz stabilləşməni müşahidə etməyə başladıq". Bunu ...