No Image
No Image

SOCAR-ın prezidenti Neft Daşlarında olub

SOCAR-ın prezidenti Neft Daşlarında olub
 Aprelin 2-də SOCAR-ın prezidenti Rövnəq Abdullayev və şirkət rəhbərliyinin nümayəndələri əməkdaşların iş və məişət şəraiti ilə, koronavirus pandemiyasının yarada biləcəyi təhlükənin qarşısını almaq məqsədilə həyata keçirilən profilaktik tədbirlərlə yerində tanış olmaq məqsədi ilə Neft Daşlarına səfər etmişdir.

SOCAR prezidenti NQÇİ rəhbər şəxslərinin məruzəsini dinləmiş və demişdir: "Əslində mən gündə bir neçə dəfə dəniz obyektlərimizdən məlumat alıram. Nə qədər məlumatlı olsam da və hər şeyin yaxşı olduğuna inansam da, vəziyyətlə şəxsən tanış olmaq üçün bu gün sizinlə görüşmək istədim. Gəldim ki, hər şeyi yerində, öz gözlərimlə görüm və bir daha əmin olum ki, uzadılmış növbə rejimində işçilər üçün hər cür şərait yaradılmışdır. Uzadılmış növbə rejiminin nə qədər çətin olduğunu mən bilirəm. Xüsusilə özüllərdə 15 gündən artıq qalmaq çox çətindir. Amma təşəbbüsün sizin tərəfdən gəlməsi çox təqdirə layiqdir. Sizin bu təşəbbüsünüz alqışlanmalıdır. Gündə 400 işçi dəniz obyektlərinə işə gətirilir. Karantin keçməmiş və virusa yoluxmuş bir nəfər də çox böyük risk idi. Amma indi biz artıq bütün hazırlıqları gördük və ayın 10 dan başlayaraq növbələr tədricən dəyişiləcək. Sizə bu fədəkarlığınıza görə təşşəkür edirəm. Bu gün ön cəbhədə olan həkimlərimiz, polislərimiz, əsgərlərimiz kimi siz neftçilər də çox mühüm və həyati əhəmiyyətli fəaliyyətinizlə qəhrəmanlıq nümunəsi göstərirsiniz. İnanıram ki, möhtərəm Prezidentimizin rəhbərliyi ilə xalqımız tez bir zamanda pandemiya təhlükəsini dəf edəcək və birliyimiz, həmrəyliyimiz sayəsində çətinliklərə qalib gələcəkdir. Neftçilərimiz onlara bəslənən etimadı həmişə olduğu kimi öz işləri ilə doğruldacaq, bu sınaqdan da alnıaçıq-üzüağ çıxacaqlar.”

SOCAR-ın prezidenti "Neft Daşların”da istehsalat sahələrinə baxış keçirmiş, neftçilərin güzəranı və məişət şəraiti ilə yaxından tanış olmuşdur.

Dəniz platformalarında koronavirusun yayılmasına yol verməmək məqsədi ilə Azərbaycan Respublikasının Əmək Məcəlləsinin 101-ci maddəsinə və SOCAR ilə Azərbaycan Neft və Qaz Sənayesi İşçilərinin Həmkarlar İttifaqı Respublika Komitəsinin birgə əmr-qərarına əsasən, SOCAR-ın dəniz obyektlərində növbə metodlu iş rejimi ilə çalışan işçilərinin iş qrafiklərində dəyişiklik edilərək, 15 günlük iş rejimi ilkin olaraq 1 ay müddəti ilə əvəz edilmiş, daha sonra isə 2 aylıq iş rejimi müəyyən edilmişdir. Şirkətin dəniz obyektlərindəki bütün istehsalat sahələrində və inzibati binalarında mütəmadi dezinfeksiya işləri aparılır. Həmçinin işçilərin gigiyenik davranış qaydalarına əməl etmələri üçün maarifləndirici materiallar hazırlanmış və işçilər arasında yayılmışdır. Bütün iş sahələrində əməkçilərlə maarifləndirici söhbətlər aparılmışdır və bu istiqamətdə tədbirlər mütəmadi olaraq davam etdirilir.

Nazirlər Kabinetinin yanında fəaliyyət göstərən Operativ Qərargahın yaydığı məlumatda qeyd olunduğu kimi, bir çox digər qurumlarla yanaşı SOCAR-ın müəyyən edilmiş işçiləri, xüsusilə aidiyyəti rəhbər işçiləri bayram günlərində iş başında olmuşlar. SOCAR-ın fəaliyyət sahələrində, o cümlədən dəniz obyektlərində istehsalat əməliyyatları tam gücü ilə davam edir və şirkətin strukturlarında epidemiyanın yayılmasına qarşı görülən tədbirlərə nəzarət təmin olunub.
Sehliyali
Turan Bank

OXŞAR XƏBƏRLƏR

SOCAR-ın prezidenti Neft Daşlarında olub

 Aprelin 2-də SOCAR-ın prezidenti Rövnəq Abdullayev və şirkət rəhbərliyinin nümayəndələri əməkdaşların iş və məişət şəraiti ilə, koronavirus pandemiyasının...

Dünyanın məşhur sənaye istehsalçısı Azərbaycan bazarına daxil olacaq - MÜSAHİBƏ

Almaniyanın dünya şöhrətli polad məmulatlarının istehsalçısı olan «Wilhelm Geldbach GmbH» Azərbaycanda fəaliyyət başlamağa hazırlaşır. Martın əvvəlində şirkə...

SOCAR və “McKinsey” 2025-2035-ci illər üçün strateji inkişaf planı hazırlayır

Martın 10-da SOCAR-ın prezidenti Rövnəq Abdullayev ''Özbəkneftegaz'' ASC-nin İdarə Heyətinin sədri Məhriddin Abdullayevin rəhbərlik etdiyi nümayəndə h...

Professor: "Alternativ enerji növlərindən istifadə ekoloji cəhətdən zərərsizdir"

Alternativ enerji mənbələrindən istifadənin təşviqi dünyanın inkişaf etmiş ölkələrində geniş yayılmış istiqamətlərdən biridir. İnkişaf etməkdə olan ölkələrin də...

Ekspert: “Bu həftə neftin qiyməti 40 dollardan yuxarı yüksələ bilər”

  "Martın 18-də Neft İxrac Edən Ölkələr Təşkilatının (OPEC) Texniki Komitəsinin iclası keçiriləcək. Bu iclasda martdan sonrakı dövr üçün neftin həcmləri i...

Ekspert: “Azəriqaz”da gedən islahatlar xidmət sektoru üçün inqilabi xarakter daşıyır”

Xidmət sektorunda müştəri məmnunluğunun təmin olunması davamlı tədbirlərin həyata keçirilməsini tələb edir. Son zamanlar "Azəriqaz” İstehsalat Birliyində həyata...