İqtİsadİyyat

SOCAR Belarusa ilk neft tankerini daha erkən göndərəcək

SOCAR Belarusa ilk neft tankerini daha erkən göndərəcək
 

Azərbaycan Dövlət Neft Şirkəti (SOCAR) Belarusun "Belneftexim” konserni üçün Azərbaycan nefti ilə dolu tankeri martın 5-6-da göndərməyi planlaşdırır.

Bu barədə "Report”a SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.

Onun sözlərinə görə, tutumu 85 min ton olan ilk tanker Ceyhan limanından (Aralıq dənizi, Türkiyə) Belarusa yola salınacaq.

O qeyd edib ki, əldə edilən razılığa əsasən, Belarusa daha tez müddətdə neftin lazım olması səbəbindən Azərbaycan nefti ilə dolu ilk tanker martın 5-6-da yola salınacaq: "İkinci tankerin isə martın 20-nə qədər yola salınacağı nəzərdə tutulur. Bu tankerlə də təqribən 85 min ton neft nəqli planlaşdırılır”.

Beləliklə, Belarusa mart ayında ümumilikdə 170 min ton həcmində iki tanker Azərbaycan neftinin nəqli nəzərdə tutulur. 

Qeyd edək ki, bundan öncə bildirilmişdi ki, SOCAR Belarusun "Belneftexim” konserninə martın 20-də neft nəqlinə başlamağı planlaşdırır. İlk tankerin bu tarixdə Supsa limanından (Qara dəniz, Gürcüstan) nəqli ilə bağlı razılıq əldə edilmişdi. Digər tankerin yola salınması tarixi ilə bağlı razılıq yox idi.  

XƏBƏR LENTİ

«    Aprel 2020    »
B.eÇ.aÇC.aC.Ş.B
 12345
6789101112
13141516171819
20212223242526
27282930