«Biz hələ də prezidenti aparan helikopterin vəziyyətindən xəbərsizik».

Sfera.az xəbər verir ki, bu barədə Qızıl Aypara Cəmiyyətinin rəhbəri Mehrlə bildirib.

Məlumatda qeyd olunub ki, hələlik vəziyyətlə bağlı ətraflı məlumat yoxdur:

“Yaxında vəziyyətlə bağlı ətraflı məlumat veriləcək”.

Daxili işlər naziri Əhməd Vahidi isə bildirib ki, onlar xilasetmə qruplarının qəza yerinə getməsini gözləyir:

“Hava şəraitinin yaxşı olamaması səbəbi ilə prezidenti daşıyan helikopter sərt eniş etməli olub”.

***

17:35

"İran prezidentinin vəziyyəti yaxşıdır, kortejdə avtomobillə Təbrizə gedir"

Sfera.az xəbər verir ki, bu barədə Mehr Agentliyi məlumat yayıb.

***

“Tasnim”in xəbərinə görə, İranın xarici işlər naziri də qəzaya uğrayan helikopterin göyərtəsində olub.

Hazırda xilasedici qruplar hadisə yerinə çatmağa çalışır, əlverişsiz hava şəraiti onlara maneə olur.

***

İran Prezidenti İbrahim Rəisini daşıyan helikopter qəzaya uğrayıb.

Sfera.az xəbər verir ki, bu barədə “Tasnim” agentliyi məlumat yayıb.

Bildirilib ki, qəza İranın Şərqi Azərbaycan vilayətində baş verib.

Qeyd olunub ki, dövlət başçısının kolonunda ümumilikdə üç helikopter olub: onlardan ikisi təyinat nöqtəsinə çata bilib.