"İran İsrail məsələsində Azərbaycanı hədəf kimi göstərməyə çalışır" - Politoloq

"İran Azərbaycanı hədəf kimi göstərməyə çalışır".

 

Bunu Sfera.az-a açıqlamasında politoloq Məhəmməd Əsədullazadə deyib.

 

O bildirib ki, İran parlamentinin deputatı İsrailin Suriyada İran konsulluğunu raketlə vurmasına cavab olaraq İsrailin Azərbaycandakı səfirliyinin vurulmasını təklif edib:

 

"Uzun illər İsrailin Azərbaycandakı səfirliyi İranın terror təhdidi ilə üzləşib. İran deputatı müstəqil şəkildə bunu təklif edə bilməz, bu, Tehran rejiminin mesajıdır. Bununla da İran Azərbaycanı hədəfə gətirir". 

 

Politoloq qeyd edib ki, Tehran rejimi Azərbaycana qarşı hibrid və kəşfiyyat müharibəsini davam etdirir:

 

“İranla İsrail Yaxın Şərqdə vəkalət müharibəsi aparır. Suriya hər iki ölkə arasında toqquşma plasdarmıdır. Azərbaycan İrana qarşı koalisiyada yer almayıb və belə bir planı da olmayıb. Azərbaycan Tehrana mesaj verməlidir ki, Yaxın Şərqdə İsraillə apardığı vəkalət müharibəsində yanlış ünvan seçir”. 

 

M.Əsədullazadənin sözlərinə görə, İran bu hərəkəti ilə Azərbaycana düşmən olduğunu göstərir:

 

“Azərbaycan nə İsraili, nə də İranı bu münaqişədə dəstəkləyir. Tehran rejimi Azərbaycanda xarici ölkələrin diplomatik korpuslarını öz geosiyasi ambisiyalarına görə hədəf seçə bilməz. İran ən yaxşı halda İsraillə öz haqq- hesabını döyüşdüyü regionda verməlidir. Bu, İranın Azərbaycana düşmən münasibətini göstərir. Niyə Ermənistan deyil, Azərbaycan hədəfə alınmalıdır?! İran İsrail amilindən burada Azərbaycana qarşı istifadə edir. Azərbaycan heç bir ölkənin plasdarmı olmayacaq”.


 
Firuzə Əliyeva
 


OXŞAR XƏBƏRLƏR

"Məlumat xarakterli videoçarxlar, xəbərlər hazırlanmalıdır" - Millət vəkili

“İnsanlar bank adı ilə gələn zənglərin hansı məqsədlə edildiyini bilmirlər”.   Sfera.az xəbər verir ki, bunu Milli Məclisin bugünkü iclas...

Ceyhun Bayramov çexiyalı həmkarı ilə GÖRÜŞDÜ - FOTO

Azərbaycan xarici işlər naziri Ceyhun Bayramov çexiyalı həmkarı Yan Lipavski (Jan Lipavsky) ilə görüşüb.   Sfera.az xəbər verir ki, bu barədə Azərbay...

"İran bu tip davranışlardan çəkinməli, düz yola qayıtmalıdır" - Qüdrət Həsənquliyev

“Biz 1991-ci ilin sərhədlərində suverenliyimizi bərpa etdik. Buna görə hakim partiyaya təşəkkür edirəm”.   Sfera.az xəbər verir ki, bunu ...

İlham Əliyev ukraynalı həmkarını COP29-a DƏVƏT ETDİ

Azərbaycan Prezidenti İlham Əliyev ukraynalı həmkarı Volodimir Zelenskini noyabrda Bakıda keçiriləcək BMT-nin İqlim Dəyişmələri üzrə Çərçivə Konvensiyası Tərəfl...

Ermənistanda minatəmizləmə işləri ilə əlaqədar Bağanis-Voskepar yolu BAĞLANDI

Ermənistan polisi minatəmizləmə işlərini aparmaq və vətəndaşların bu ərazilərə daxil olmasına mane olmaq üçün Bağanis (Bağanis Ayrım - red.) - Voskepar (Aşağı Ə...

"Qərb danışıqlara nə qədər az müdaxilə etsə, Cənubi Qafqaza sülh o qədər tez gələcək"

“Məlum olduğu kimi, Azərbaycanın və Ermənistanın delimitasiya komissiyalarının aprelin 19-da keçirilmiş növbəti görüşündə sərhəd delimitasiyası prosesinin...