Rusiyanın xarici işlər naziri Sergey Lavrov Antalya Diplomatiya Forumunda iştirak etmək üçün Türkiyəyə gedib.

Sfera.az “TASS”a istinadən xəbər verir ki, Rusiyanın baş diplomatının təyyarəsi gecə Antalya hava limanına enib.

Rusiya xarici işlər nazirliyinin sözçüsü Mariya Zaxarova bir müddət əvvəl Lavrovun forum çərçivəsində Türkiyənin xarici işlər naziri Hakan Fidanla ikitərəfli danışıqlar aparacağını açıqlamışdı.

Rusiya və Türkiyənin yüksək səviyyəli diplomatlarının geniş spektrli məsələləri, ilk növbədə qarşılıqlı maraq doğuran sahələrdə - ticarət, enerji, təhlükəsizlik, bank işi və turizm sahələrində ikitərəfli əməkdaşlığın hazırkı vəziyyəti və perspektivlərini müzakirə edəcəyi gözlənilir. Nazirlər müxtəlif səviyyələrdə ikitərəfli təmasların cədvəlini də müzakirə edəcəklər.

Lavrov Antalyada keçiriləcək forum çərçivəsində Azərbaycanın xarici işlər naziri Ceyhun Bayramov, Özbəkistanın xarici işlər naziri Bəxtiyor Saidov, Qırğızıstanın xarici işlər naziri Jeenbek Kulubayev və Esvatini kralı III Msvati ilə də bir sıra görüşlər keçirəcək.

Firuzə Əliyeva