“Ərazi bütövlüyümüzün və suverenliyimizin bərpası regionda yeni reallıqlar yaradıb” - Əli Vəliyev

“Ərazi bütövlüyümüzün və suverenliyimizin bərpası regionda yeni reallıqlar yaradıb” - Əli Vəliyev

Prezident İlham Əliyev növbəti qətiyyətli qərarı ilə yadda qaldı. Belə demək mümkünsə, dövlət başçımız növbəti mühüm addımı ilə bir çoxlarının cəsarət edə bilməyəcəyi addımı atdı. Belə ki, 2024-cü ilin 7 fevralında növbədənkənar prezident seçkilərinin keçirilməsi üçün Prezident İlham Əliyev sərəncam imzaladı.

 

Yaxın keçmişdə - 2018- ci ildə cənab İlham Əliyev Azərbaycan Respublikasının Prezidenti seçildikdən sonra xalqımızın qarşısında duran ən mühüm problem - ərazi bütövlüyümüzün bərpası prosesinin son tamamlayıcı mərhələsinə start verdi və qısa zamanda ölkəmizin, xalqımızın bütün potensialını vahid məqsəd uğrunda səfərbər etdi, cəmi iki il sonra - 2020- ci ilin sentyabrın 27-də başlanmış Vətən müharibəsi Azərbaycanın tarxi qələbəsi ilə başa çatdı. Bəli, çox həsas və gərgin 2020-ci il dövründə - qlobal pandemiyanın dünyanı cənginə aldığı bir vaxtda məhz Prezident İlham Əliyevin liderliyi ilə Azərbaycan öz torpaqlarını işğaldan azad etdi. Bu ilin sentyabrın 20-də lokal antiterror tədbirləri isə ərazi bütövlüyümüzün və suverenliyimizin tam bərpası prosesində son nöqtəni qoydu.

 

Lakin indi daha çox növbədənkənar prezident seçkilərini zəruri edən amillərə nəzər salmaq istəyirəm. Yaxşı bilirik ki, 2024-cü il bütün dünya üçün ən mühüm dəyişikliklərin gözlənildiyi tarix kimi yadda qala bilər. Gələn il ərzində Azərbaycanın da daxil olduğu Cənubi Qafqaz uğrunda amansız savaşın içərisinə daxil olan iki ölkədə (martda Rusiyada, noyabrda isə ABŞ-da) prezident seçkilərinin keçiriləcəyi gözlənilir.

 

Bu isə o deməkdir ki, növbədənkənar seçkilər imkan verəcək ki, Azərbaycan daha əmin və arxayın şəkildə qarşısına qoyduğu hədəflərə doğru növbəti addımları atsın. Nəzərə almaq lazımdır ki, Qarabağ məsələsi tam həll edildikdən sonra həm ölkədə, həm də regionda yeni çağırışlarla qarşı-qarşıyayıq.

 

Bunu əsas götürərək düşünmək olar ki, prezident İlham Əliyevin 2024-cü ilin 7 fevral tarixində növbədənkənar prezident seçkilərinin keçirilməsi haqda sərəncamının bir neçə səbəbi var:

 

- 2024-cü ildə yuxarıda qeyd olunan geosiyasi vəziyyətlə əlaqəli

 

- Azərbaycan öz ərazi bütövlüyü və Qarabağ üzərində suverenliyini tam bərpa edib

 

Bu da o deməkdir ki, Prezident seçkiləri, ilk dəfədir ki, müstəqil Azərbaycanın bütün ərazilərini, kənd və şəhərlərini tamamilə əhatə edəcək.

 

Ərazi bütövlüyümüzün və suverenliyimizin bərpası həm regionda, həm də ölkəmizdə yeni reallıqlar yaradıb. Müstəqil Azərbaycanın tarixində ilk dəfə olaraq seçkilər bütün ölkə ərazisində keçirilir. Bu seçkilər ərazi bütövlüyümüzün və suverenliyimizin növbəti təntənəsinə çevriləcək.

 

Belə demək mümkünsə, Azərbaycanda yeni tarixi dönəm başlayır və bu dönəm yeni növnədənkənar prezident seçkiləri ilə start götürəcək. Artıq torpaqları işğalda olmayan ölkədə prezident seçkiləri yeni reallıqlar fonunda növbəti, daha böyük hədəflərə doğru inamla irəliləyən Azərbaycanın şahidi olacağımızdan xəbər verir.

 

Əli Vəliyev


OXŞAR XƏBƏRLƏR

Bu gün 4 rayonda qaz kəsiləcək

Bakının Sabunçu, Xətai, Nərimanov və Qaradağ rayonları ərazisindəki qaz xətlərində görüləcək təmir-quraşdırma işləri ilə əlaqədar bu gün saat 10:00-dan qaz təch...

Dövlət qulluğunu ilə bağlı beynəlxalq seminar keçirilir - FOTO

24 – 25 iyun 2024-cü il tarixlərində Dövlət İmtahan Mərkəzi və Dövlət Qulluğu üzrə Astana Regional Xabın birgə təşkilatçılığı ilə Bakı şəhərində “Dö...

Silahlı insident zamanı həlak olan polislərin adları AÇIQLANDI - SİYAHI

Ötən gecə Bakıda keçirilən əməliyyat zamanı həlak olan polis əməkdaşlarının kimliyi məlum olub.   Sfera.az xəbər verir ki, onlar polis kapi...

Bakıda SİLAHLI İNSİDENT: Üç polis QƏTLƏ YETİRİLDİ - FOTO

Bakıda 3 polis əməkdaşı, 1 mülki şəxs qətlə yetirilib.   Bu barədə Sfera.az-a Daxili İşlər Nazirliyinin Mətbuat xidmətinin rəisi Elşad Hacıyev məluma...

Rəqəmlər ADY-ni "Yenə də iki"yə aparır... - TƏHLİL

Aprelin sonunda “Azərbaycan Dəmir Yolları” QSC (ADY) Bakı-Tbilisi-Qars (BTQ) dəmir yolu xəttinin Gürcüstandan keçən 184 kilometrlik hissəsində aparı...

MN-də təlim-metodiki toplanış keçirildi - VİDEO

Müdafiə Nazirliyinin (MN) Maddi-Texniki Təminat Baş İdarəsinin Mərkəzi Əşya Bazasında qoşun növü, birlik, birləşmə və hərbi hissələrin yanğından mühafizə xidmət...