Dünyaca məşhur küçə sənətçisi Benksinin daha bir əsəri rekord qiymətə satılıb. 

"Yeni Sabah" xarici mediaya istinadən bildirir ki, "Devolved Parliament" adlı əsərdə parlamentdə əyləşən millət vəkillərinin əvəzinə şimpanzelər təsvir olunub. Əsər Londondakı "Sotheby's" hərrac evində 13 dəqiqəyə alıcı tapıb. Adı açıqlanmayan şəxs əsəri 9.8 milyon sterlinqə (təxminən 20 milyon manata) alıb.

4 metr hündürlüyündəki tablo Benksinin indiyə qədər ən bahalı qiymətə satılan əsəri olub. Rəssamın bundan öncə də "Qırmızı şarlı qız" əsəri 1 milyon sterlinqə ( 2 milyon manata) satılmışdı.