“Saxta vaksinasiya sənədini o şəxslər almağa çalışır ki...” - İnfeksionist
Gündəm
12:06 / 06.07.2021
1350
"Bu, bəzi insanların vaksinasiyaya olan inamsızlığından
qaynaqlanır və saxta peyvənd sənədi almaq istəyənlər əsasən proseslə bağlı məlumatsız olanlardır”.
Bu sözləri Sfera.az-a açıqlamasında bəzi şəxslərin peyvənd
olunmaqdan yayınaraq, saxta vaksinasiya sənədi almağa meyl etməsinin səbəblərindən
danışarkən, tibb elmləri doktoru, infeksionist Vüqar Cavadzadə deyib:
"Bir qrup insan vaksinlərin qısa zamanda
hazırlanmasını əsas gətirərək onun keyfiyyətinə və effektivliyinə inanmır. Məhz
inamın olmamasının nəticəsidir ki, bəzi insanlar peyvənd olunmaq istəmir və saxta
peyvəndləmə sənədi alırlar. Ancaq bu cür düşünən insanlar elə də çox deyil”.
Rüfət SULTAN