SAXTA 100 MANATLIQLARLA BAĞLI TƏKLİF: Mağazalarda xüsusi aparatlıar quraşdırılsın

SAXTA 100 MANATLIQLARLA BAĞLI TƏKLİF: Mağazalarda xüsusi aparatlıar quraşdırılsın

 

"Saxta manat əskinaslarına qarşı mübarizədə texniki və institusional addımlar atılmalıdır”.

 

Sfera.az-a açıqlamasında bu sözləri son zamanlar Azərbaycanda saxta 100 manatlıq əskinasların dövriyyədə geniş yayılmasına münasibət bildirərkən İqtisadi və Sosial İnkişaf Mərkəzinin sədri Vüqar Bayramov deyib:

 

"Ümumiyyətlə saxta pulların kəsilməsi hallarına demək olar ki, bütün valyutalarla bağlı olaraq rast gəlmək olar. Nə qədər maraqlı olsa da, dünyada ən çox saxta əskinas ABŞ dolları ilə bağlıdır. Çox fərqli ölkələrdə işbazlar saxta dollar kəsməkdə maraqlıdırlar. Bu da dolların işlənmə dairəsinin geniş olması ilə bağlıdır. Amma son zamanlar saxta 100 manatlıqların sayında da artım qeydə alınıb. Saxta pul kəsənlər daha çox böyük nominallı əskinasları kəsməkdə maraqlıdır. Ona görə də manatla bağlı dövriyyədə əsasən bu nominallı saxta əskinaslara rast gəlinir. Bunun qarşısını almaq üçün bir sıra texniki və institusional addımlar atılmalıdır. İnkişaf etmiş ölkələrdə olduğu kimi ödənişin aparıldığı bütün ticarət və xidmət obyektlərində pulun saxta olub-olmadığını yoxlayan aparatların quraşdırılmasına ehtiyac var. İnkişaf etmiş ölkələrin kiçik alış-veriş obyektlərində belə bu aparatlardan istifadə olunur. Ona görə çox vacibdir ki, Azərbaycanda bu aparatlardan bütün məntəqələrdə istifadə edilsin”.

 

Həmsöhbətimiz bu istiqamətdə görülməsi vacib təkliflərini də səsləndirdi: "Təklif edirik ki, Mərkəzi Bank belə aparatların alınıb quraşdırılması üçün sahibkarlara yardım etsin. O cümlədən, Sahibkarlara Kömək Milli Fondu tərəfindən bu istiqamətdə güzəştli kreditlərin təklif edilməsinə ehtiyac vardır ki, kiçik sahibkarlar üçün belə aparatların alınması əlavə xərclər yaratmasın. Bu addımın atılması nəticə etibarı ilə saxta pulun yerindəcə aşkarlanması və ona qarşı effektiv mübarizənin həyata keçməsinə şərait yaradar. Saxta pulların sayının azaldılması üçün digər vacib məqam Mərkəzi Bank tərəfindən daimi olaraq manatın təhlükəsizlik kod və nişanlarının risk qiymətləndirilməsinin aparılmasıdır.

Eyni zamanda, manat əskinaslarının təhlükəsizlik nişanları ilə bağlı maarifləndirmə işlərinə də ehtiyac var. Bunun üçün televiziya kanalları və internet resursları vasitəsilə xüsusi sosial qoruyucuların hazırlanması və yayılması çox vacibdir. Yəni elə etməliyik ki, adi vətəndaşlar da saxta və real pulu fərqləndirmək üçün əskinasların təhlükəsizlik nişanları ilə bağlı məlumatlı olsun. O baxımdan bu istiqamətdə vətəndaşların məlumatlandırılması da daxil olmaqla, kompleks tədbirlərin görülməsinə ehtiyac duyulur”.

 

Qeyd edək ki, son zamanlar dövriyyədə saxta 100 manatlıq əsginasların dolaşdığına dair məlumatlar yayılır. Hətta bunu əks etdirən görüntülər sosial şəbəkələrdə yayılıb.

 

Elçin

 

OXŞAR XƏBƏRLƏR

Regionlarda kredit qoyuluşu az, faizlərsə yüksəkdir - ŞƏRH

  Azərbaycanda fəaliyyət göstərən bankların regionlar üzrə verdiyi kreditin 80 faizindən çoxu Bakı şəhərinin payına düşür. Mərkəzi Bankın məlumatına əsa...

Hökumət bəzi xarici borclardan imtina edir – TƏHLİL

  "Elektrik paylayıcı şəbəkənin yenidən qurulmasına dair İnvestisiya Proqramı” çərçivəsində Asiya İnkişaf Bankının (ADB) "Azərişıq” ASC-yə ayırdığı 750 ...

Hansı ərzaq məhsulları bahalaşıb, hansı ucuzlaşıb? - STATİSTİKA

İllik müqayisədə ərzaq məhsullarının qiymətində müşahidə edilən artım 2020-ci ilin yanvar-may dövründə də davam edib. Dövlət Statistika Komitəsinin məlumatına...

Neft bahalaşır - Dövlət büdcəsinə dəyişiklik təxirə salına bilər

Azərbaycanın ixrac etdiyi neftin qiymətinin bir neçə dəfə ucuzlaşmasından və karantinlə əlaqədar qeyri-neft sektoru üzrə gəlirlərin azalmasından sonra dövlət ...

Əcnəbilərin banklarımızda olan əmanətləri azalır – SƏBƏB NƏDİR?

Azərbaycan banklarına ölkə vətəndaşları ilə yanaşı əcnəbilər də əmanət yerləşdirir. Son statistik məlumatlara əsasən banklarda əmanətlərin azalmasına təs...

Azərbaycanda dollara tələbi minimuma endirən SƏBƏBLƏR TOPLUSU

Azərbaycan Dövlət Neft Fondunun açıqladığı məlumata əsasən 2020-ci ilin may ayı ərzində valyuta hərraclarında 334 milyon ABŞ dolları məbləğində vəsait satılıb...