Sarkisyanın “1064 əsir” açıqlaması nəyə xidmət edir? – “Bunu seçkiyə günlər qalmış deməsi...”
13:36 / 17.06.2021
1914
"Ermənistanın keçmiş prezidentinin belə bir
açıqlaması Nikol Paşinyanı seçicilər qarşısında nüfuzdan salmağa hesablanmış
addımdır”.
Bu sözləri Sfera.az-a açıqlamasında cari ilin
aprelində parlamentdəki çıxışında baş nazir vəzifəsini icra edən Nikol
Paşinyanın 321 erməni hərbçisinin itkin düşdüyünü deməsinə rəğmən, keçmiş
prezident Serj Sarkisyanın bu rəqəmin 1064 olduğunu bəyan etməsinin arxasında
hansı məqsədlərin dayandığına aydınlıq gətirərkən, politoloq Natiq Miri
deyib:
"Sarkisyanın bu açıqlmasının nə dərəcədə doğru,
yaxud dezinformasiya olduğunu bilmirik. Ancaq məqsədi bəllidir. Məqsəd isə seçkiyə bir neçə gün qalmış
ictimai rəydə Nikol Paşinyanın mövqeyinə ciddi zərbə vurmaqdan ibarətdir”.
Rüfət SULTAN
