No Image
No Image
No Image

Samirə Mustafayeva: Bilirdim ki, pis şərhlər yazacaqlar - FOTO

Samirə Mustafayeva: Bilirdim ki, pis şərhlər yazacaqlar - FOTO
Azərbaycan Televiziyasının yeni mövsümdəki yeniliklərindən biri də TV-yə yeni simaları cəlb etmək oldu. 
Onlardan biri də işinin peşəkarı olan teleaparıcı Samirə Mustafayevadır. 

"AzTV Xəbər”in əsas buraxılışının aparıcısı olan S.Mustafayevanın 5 il sonra televiziyaya qayıdışı isə kifayət qədər maraqla qarşılandı.

AzTV-nin rəsmi "Telegram” kanalı olaraq xanım aparıcından müsahibə alıb.

Həmin müsahibəni təqdim edirik:

- Samirə xanım, efir üçün darıxmışdınızmı?
- Həmişə elə hiss eləmişəm ki, mən televiziyada doğulmuşam. Lakin son 5 il ərzində TV-yə geri dönməyi düşünmürdüm. Bir neçə televiziyadan təkliflər almağıma baxmayaraq, yenidən bu işə başlamağı heç ağlıma da gətirmirdim. Amma AzTV-yə gəldim, efirə çıxdığım an efir üçün nə qədər darıxdığımı hiss etdim. O sevgini, o hissləri təzədən yaşadım.

- Geridönüş çətin olmadı ki?
- 2 il idi Azərbaycan Televiziyasının bədii rəhbəri Ranar Musayevlə danışıqlarımız olurdu. Məni TV-yə qayıtmağa razı salmağa çalışırdı. "Yox, yox” deyib razı olmurdum. Amma elə bir məqam yetişdi ki, "yox” baryerini aradan götürməyə qərar verdim. 

- Sirr deyil ki, zahiri görkəminizdə dəyişikliklər etmisiniz. Dəyişiklik etməyə ehtiyac hiss etdiniz, yoxsa...
- 5 il ərzində heç bir yerdə görünmədiyim üçün zahirimdəki dəyişiklik tamaşaçıya qəribə gəldi. Mən əvvəllər də tez-tez dəyişiklik edirdim. 5 il əvvəl də bir gecə yatıb səhər saçlarını qısa kəsdirən, qara saçı sarı rəngə boyayıb efirə çıxan mən olmuşam. Tamaşaçılar, bəlkə də o dövrləri unudub. Amma illər, aylar insanı dəyişir axı. Bu illər ərzində çox aparıcımız dəyişib. Üzdə olan insanların dəyişdiyini görə-görə gəlmişik deyə bizə qəribə gəlmir. Mən isə uzun müddət heç yerdə görünmədiyim üçün belə bir reaksiya normal qarşılanandır. Dəyişikliyim müzakirə olunubsa, bunun özü belə mənə  xoşdur. Bütün bunlar göstərdi ki, tamaşaçı məni unutmayıb. Əslində, məni televiziyaya tamaşaçı qaytardı. Sizə maraqlı bir xasiyyətimi deyim: mən rəsm çəkməklə sakitləşən adamam. Bununla sanki neqativi atıram üzərimdən. Buna görə də efirdə olmadığım illərdə başımı makiyaj etməyi öyrənməklə qatdım, nəsə yaratmağa çalışdım. Şəxsi instaqram səhifəmdə bu tip əl işlərimi paylaşarkən belə "Samirə xanım, efirə nə zaman qayıdırsınız?” yazanların sayı-hesabı olmurdu. İnsanların bu çağırışları məni geri qaytardı. Halbuki əvvəl unudulmaq istəyirdim. Bu 5 ildə mübarizə aparırdım ki, unudulum, yaddan çıxım.Amma tamaşaçım məni geri qaytara bildi.

-Televiziyaya qayıtmağınıza nə təkan verdi?
- İyul hadisələri zamanı xəbərləri televizordan izləyəndə hiss etdim ki, mənim yerim evdə - divanda oturmaq deyil. Çox pis olmuşdum. Özümü günahlandırırdım ki, niyə mən öz yerimdə deyiləm. Bu mübarizədə, bu müharibədə düşmənlərimizə qarşı tək səngərdə deyil, bütün sahələrdə bir olmalıyıq, media sahəsi isə xüsusilə diqqətli və birlikdə olmalıdır.

-Nə üçün məhz Azərbaycan Televiziyası?
-Azərbaycan Televiziyası həmişə bir məktəb olub. Sanki Azərbaycan televiziya məkanı AzTV-də doğulub. Buraya gələndə elə bildim sanki elə əvvəl də AzTV-də işləmişəm. Çox doğma kollektivi var. Hamı çalışır ki, özümü burada yad hiss etməyim, heç elə hiss etmirəm də.
 
Sfera.az
 

 

OXŞAR XƏBƏRLƏR

Mustafa Ceceli: “Ürəyimiz Azərbaycanla döyünür”

"Körpələri öldürürsənsə insan deyilsən”.   Sfera.az xəbər verir ki, bunu Türkiyəli müğənni Mustafa Ceceli və həyat yoldaşı Selin İmerə ötən gün jurna...

Robert de Nirodan Azərbaycana 1 milyon dollarlıq dəstək - FOTO

Hollivud ulduzu, amerikalı aktyor Robert de Niro Azərbaycan Silahlı Qüvvələr Fonduna 1 milyon dollar yardım edib. Sfera.az xəbər verir ki, bu haqda sosial...

Kirkorov ermənilərə yardım xəbərini təkzib etdi: “Bu bizə atılmış böhtandır”

Xalq artisti Aygün Kazımova sosial media hesabında müğənni Filipp Kirkorovun atasının ermənilərə yardım etməsi ilə bağlı məsələyə aydınlıq gətirib.   ...

Həmkarları cəbhəyə, Kərim istirahətə yollandı - FOTO

Son günlər bir çox şou və sənət adamı orduya dəstək olmaq məqsədilə sosial şəbəkələrdə xalqı ruhlandıran çağırışlar edir, bəziləri hətta cəbhəyə yollanır. Belə ...

"Şuşada ayaqyalın konsert verəcəyəm!" - Faiq Ağayev

Xalq artisti Faiq Ağayev də ordumuza dəstək olan sənətçilər karvanına qatılıb.   Sfera.az xəbər verir ki, ifaçı əsgərlərimizə hədiyyə və məktub göndərib...

Yaraşıqlı aktyor tanınmaz hala düşdü - FOTOLAR

Kinonun ən yaraşıqlı aktyorlarından biri olan Kolin Farrel "Batman” filmindəki rolu üçün tanınmaz hala düşüb.  Sfera.az xəbər verir ki, ekran işində ...