Qadınların bu xəstəliyi xoşbəxt evliliklərin məhvinə SƏBƏBDİR - Həkim AÇIQLADI

Cinsi münasibətdən kişi və qadının zövq alması xoşbəxt evliliyin təməl daşıdır. Lakin vaginizm xəstəliyi xoşbəxt evliliklərdə müəyyən problemlər yaradır. Bu xəstəliyə tutulan qadınlar cinsi münasibətdən heç bir halda zövq almırlar.

Bəs bu xəstəlik nədən yaranır?

Mövzu ilə bağlı Sfera.az-a danışan ginekoloq Arzu Hacıyeva bildirib ki, xəstəliyin aktual səbəblərindən biri fobiyalardır.

“İkinci əsas səbəb isə nevrozluqdur. Fobiyaların müxtəlif növləri var. Məsələn, qızlar sevmədiyi insanla evləndikdə gələcəyi ilə bağlı qorxmağa başlayırlar. Bu qorxu xəstəliyin meydana gəlməsinə zəmin yaradır. Müşahidələr göstərir ki, əksər səbəblərdən biri də toy gecəsidir. Həmin günün düşüncəsi şüuraltı qorxunu formalaşdırır. Uşaq vaxtı olan travmalar da bu xəstəliyin yaranmasına təsirsiz ötüşmür".

Arzu Hacıyeva qeyd edib ki, bu problemi həll etmək üçün yalnız ginekoloqa deyil, psixoloqa da müraciət etmək lazımdır.

“Bu xəstəliyin müalicəsi paralel aparılmalıdır. Düzgün seçilmiş müalicə metodu ilə xəstəliyə qalib gəlmək mümkündür. Sağalma müddəti travmadan asılı olaraq 2-5 günə və 2-3 aya qədər davam edə bilər. Bu, orqanizmdən və xəstəliyin əsas səbəbindən asılıdır. Bu xəstəlikdən qorunmaq üçün spirtli içkidən və siqaretdən uzaq durmaq lazımdır. Çünki onlar qan dövranının pozulmasına səbəb olur”.

Ülkər Abdurahmanlı