Ramazanda 30 gün boyunca oruc tutmağın faydaları çoxdur.

Sfera.az xəbər verir ki, oruc tutanlar iradə ilə nəfsin istəklərinə qalib gəlirlər. Aclıq və susuzluğa dözmək səbri öyrədir. Nəfsin istəklərinin nəzarətdə saxlanılmasında oruc təsirli vasitədir. Oruc tutmaq mədə və bağırsağa yaxşı təsir göstərir. İftar və imsakda ölçülü qidalanmaq həzm prosesini asanlaşdırır. Oruc tutan zaman uzaqlaşdığımız fiziki istəklər beynin daha yaxşı işləməsini təmin edir, yaddaşı gücləndirir.

Oruc həm fiziki, həm də zehni sağlamlığımıza faydalıdır. Bu zaman beyində yeni kök hüceyrələr yaranır. Bu da özlüyündə parkinson və alzheimer xəstəliklərinin yaranmasına mane olur.

Oruc, həmçinin qocalmanı ləngidən əsas vasitələrdən biridir. Pis vərdişlərdən uzaq durmağa vadar edir. Oruc tutan insanların dərisi daha təmiz olur. Bu müddətdə qaraciyər və böyrəklərdə olan toksinlər bədəndən xaric olunur. Bu da dərinin yenilənməsinə səbəb olur.

Ülkər Abdurahmanlı