Kifayət qədər mikroelement qəbul etmədikdə pəhriz orqanizm üçün stress yarada bilər.

Sfera.az xəbər verir ki, bunu diyetoloq Polina Juravleva bildirib. O qeyd edib ki, pəhrizinizə müəyyən qidaları, o cümlədən tərkibində protein olanları daxil etsəniz, bundan qaça bilərsiniz. Bu məsələyə məsuliyyətlə yanaşsanız və pəhrizinizi düzgün təşkil etsəniz, heç bir problem olmayacaq.

Juravleva xatırladıb ki, çox sayda insan vegetarian pəhrizinə riayət edir və özlərini yaxşı hiss edirlər. Buna orqanizmin protein ehtiyacını ödəyən bitki mənşəli qidalar qəbul etməklə nail olmaq olar:

"Anlamaq vacibdir ki, heyvan zülallarının olmaması, qısa müddət ərzində bədəni qorxutmamalıdır, əsas odur ki, onu bitki zülalları ilə düzgün əvəz etmək mümkün olsun. Paxlalılar bitki zülalının mənbəyi ola bilər - məsələn, mərcimək, lobya, noxud. Pəhrizinizə quinoa və ya çia toxumu, qoz-fındıq və göbələk əlavə etmək tövsiyə olunur"

Diyetoloq həmçinin yağsız yemək reseptləri öyrənməyi, xüsusən də proteinlə zəngin dənli bitkilərdən istifadə edərək hazırlananlara diqqət etməyi tövsiyə edib. Onun sözlərinə görə, oruc tutanlar, pəhrizdə olanlar üçün ən yaxşı seçim az yağlı qoz-fındıq və ya kətan toxumu əlavə edilmiş sıyıq, naharda isə tərəvəz və paxlalı şorbalar, həmçinin kartof, makaron və çörəkdir.

"Pəhrizinizə zeytun yağından istifadə edərək çiy tərəvəzlərdən hazırlanan salatları daxil etmək faydalıdır. Pəhriz elə qurulmalıdır ki, səhər və axşam daha çox protein olsun, karbohidratlar isə günün ortasında istehlak edilsin", -  Juravleva fikrini yekunlaşdırıb.

İnci