Son günlər ölkə ərazisində qızılcaya yoluxma artmaqda davam edir. Vətəndaşlar yoluxanların xəstəliyi çox ağır keçirdiklərini bildirirlər. 

Qızılcaya qarşı vaksinasiya olunmasa, bizi nələr gözləyir?

Məsələ bağlı Sfera.az-a açıqlamasında infeksionist Mərdan Əliyev bildirib ki, peyvənd olunmasa, qızılcanın qarşısını almaq mümkün olmayacaq:

“Qızılca çox yoluxucu xəstəlikdir, lakin peyvəndlə qarşısı alına bilər. Hazırda gördüyümüz mənzərə peyvənd olunmamasının nəticəsidir. Təbii ki, peyvənd olunmayan uşaqlar arasında yoluxma artacaq və biz yayılma dərəcəsini peyvənd olunmuşlara nisbətlə görə biləcəyik”. 

Mütəxəssis qeyd edib ki, qızılca uşaq infeksion xəstəliyi olsa da, böyüklər də tutula bilir:

“Xəstəliyi keçirməyənlər yoluxmadan qorunmaq üçün peyvənd olunmalıdır. COVID-19 virusundan fərqli olaraq, məsafə saxlanılması, maska taxılması qızılcanın yayılmasının qarşısını almır”. 

Firuzə Əliyeva