No Image
No Image

Şagirdlərin yarım illik nəticələri belə qiymətləndiriləcək - Qaydalar təsdiqləndi

Şagirdlərin yarım illik nəticələri belə qiymətləndiriləcək - Qaydalar təsdiqləndi
Xüsusi karantin rejimi dövründə Azərbaycan Respublikasında fəaliyyət göstərən ümumi təhsil müəssisələrində tədris və təlim-tərbiyə prosesinin distant (məsafədən) formada təşkili ilə əlaqədar Təhsil Nazirliyi Kollegiyası "Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası" nı təsdiq edib.

Sfera.az-ın məlumatına görə bildirir ki, Qaydalarda diqqət yetiriləsi məqamlar aşağıdakılardır:

1. II-XI siniflərdə bütün fənlər üzrə summativ qiymətləndirmə fənni tədris edən müəllim tərəfindən distant formada yarımilin sonunda bir dəfə olmaqla aparılır.

2. Summativ qiymətləndirmənin nəticələri 100 ballıq şkala ilə ölçülür və qiymətləndirmədə test, inşa, çalışma, şifahi sorğu, yaradıcılıq və əl işləri, layihə kimi vasitələrdən istifadə olunur. 45-60 dəqiqə ərzində təşkil olunan summativ qiymətləndirmə nəticəsində müəyyən edilmiş ballar şagirdlərin yarımillik balları və qiymətləri hesab olunur və sinif jurnalında müvafiq qaydada yazılır.

3. Üzrsüz səbəbdən summativ qiymətləndirmədə iştirak etməyən təhsilalanın həmin qiymətləndirmələr üzrə balı "0" qəbul olunur. Təhsilalan summativ qiymətləndirmədə üzrlü səbəbdən (xəstəlik (tibbi arayış təqdim edildikdə), bədbəxt və fövqəladə hadisə, sürətli internet bağlantısı və ya internetə çıxışı olmadıqda, texniki imkanları məhdud olduqda) iştirak edə bilmədikdə, müvafiq qiymətləndirmə günündən sonra növbəti 1 (bir) ay müddətində onun üçün summativ qiymətləndirmə təşkil edilir. Sürətli internet bağlantısı və ya internetə çıxışı olmaması səbəbindən şagirdin qiymətləndirmədə iştirak edə bilməməsi halında təhsil müəssisəsi tərəfindən qanunvericilikdə müəyyən edilmiş tələblər gözlənilməklə şagirdin əyani formada qiymətləndirmədə iştirakı üçün müvafiq şərait yaradılması təmin olunur. Qeyd olunan müddətdə təhsilalan qiymətləndirmədə hər hansı səbəbdən iştirak etmədikdə qiymətləndirmə üzrə balı "0" qəbul olunur.

4. Distant formada summativ qiymətləndirmənin təşkili zamanı Microsoft Teams ilə yanaşı, Zoom, Whatsapp, Skype və s. digər elektron tətbiqlərdən istifadə oluna bilər.

5. Sürətli internet bağlantısı və ya internetə çıxışı olmaması səbəbindən şagirdin qiymətləndirmədə iştirak edə bilməməsi halında təhsil müəssisəsi tərəfindən şagirdin əyani formada qiymətləndirmədə iştirakı "İmtahanlar zamanı koronavirus infeksiyasının (COVİD-19) profilaktikasına dair metodiki göstərişlər" nəzərə alınaraq təmin olunmalıdır.

6. "Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası" xüsusi karantin rejimi dövründə ümumi təhsil müəssisələrində tədris və təlim-tərbiyə prosesinin distant (məsafədən) formada təşkili müddətində qüvvədədir.

7. "Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası" qüvvədə olduğu müddətdə "Ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılması Qaydası" bu Qaydaya zidd olmayan hissədə tətbiq edilir.

Turan Bank

OXŞAR XƏBƏRLƏR

Nazirlikdən hava ilə bağlı - XƏBƏRDARLIQ

"Şaxtalı hava şəraiti ilə əlaqədar əhalini ehtiyatlı və diqqətli olmağa çağırırıq”.   Sfera.az-ın xəbərinə görə, Ekologiya və Təbii Sərvətlər Nazirliyi...

Azərbaycandan 5 milyardı kimlər çıxardıb? - SENSASİYA

2020-ci ilin yayında Mərkəzi Bank "AGBank”ın ləğvi haqda qərarını açıqladı. Qərarda qeyd olunurdu ki, "AGBank” ASC-də də müvəqqəti inzibatçı tərəfindən aparılmı...

Tanınmış şirkət rəhbərinin ailə üzvlərinin də mülkünə həbs qoyuldu

Azərbaycanda Mənzil İnşaatı Dövlət Agentliyi üçün binalar tikən "KAT Holdinq”in rəhbəri Elçin Ələkbərovun cinayət işi üzrə istintaq davam edir. Sfera.az-ı...

Faktiki hava şəraiti açıqlandı - Bu ərazilərə hələ də qar yağır

Milli Hidrometeorologiya Xidməti faktiki hava şəraitini açıqlayıb. Milli Hidrometeorologiya Xidmətindən Sfera.az-a bildirilib ki, fevralın 24-ü saat 20:00...

İsmayıllıda Xocalı soyqırımının 29-cu ildönümü ilə əlaqədar flaşmob keçirildi - FOTO

Xocalı soyqırımının 29-cu ildönümünə həsr olunmuş flaşmob keçirilib. Sfera.az xəbər verir ki, ölkənin hər yerində olduğu kimi İsmayıllı rayonunda da Xocal...

Vahid vəsiqə nə vəd edir?

Azərbaycanda uzun illər media sahəsinə və onun inkişafına nəzarət sistemini Kütləvi İnformasiya Vasitələrinə Dövlət Dəstəyi Fondu həyata keçirirdi. KİVDF ...