Rusiyanın yeni silahı: Böyük Britaniya böyüklüyündə bölgəni məhv etmək gücündədir
16:07 / 06.05.2021
3267
Rusiyanın bu il sınaqdan keçirməyi planlaşdırdığı yeni qitələrarası "RS-28 Sarmat” raketi Böyük Britaniya və ABŞ-ın Texas ştatı böyüklüyündə bölgəni məhv etmək gücündədir.
Sfera.az xəbər verir ki, bu haqda Böyük Britaniyanın məşhur "Daily Mail” qəzeti yazıb.
Qəzetin Vill Stevart adlı yazarının məqaləsinə görə Rusiya "Soyuq müharibə” dövründən etibarən qərblə münasibətlərinin ən gərgin çağında yeni hipersəsli silah sınaqlarına hazırlaşır.
Məqalədə yeni hipersəsli silahın ABŞ-ın raket hücumundan müdafiə sistemini yarmaq gücündə olduğu, Texas və ya Böyük Britaniya ərazisinin həcmində olan ərazini məhv edə biləcəyi qeyd olunub.
Qərbdə "Satan-2” (Şeytan-2) adlandırılan "RS-28” ağır termonüvə döyüş başlıqlı qitələrarası ballistik raketin hazırda dünyanın ən güclü qitələrarası ballistik raketi hesab olunan "RS-20 Voyevoda” raketini əvəz edəcəyi ehtimal olunur.
Bundan əvvəl isə Rusiyanın "3 Sarmat” adlı raket sınağını planlaşdırdığı bildirilirdi.
Əzizə Zeynal
Sfera.az
