No Image
No Image

Rusiya Paşinyandan bu cümləsinin qisasını alır – “Belə deməməli idi...”

Rusiya Paşinyandan bu cümləsinin qisasını alır – “Belə deməməli idi...”
"Ermənistan dərin siyasi böhran yaşayır. Paşinyanın əhali arasında reytinqi pis deyil. Sadəcə olaraq bu günlərdə ciddi bir səhvə yol verdi. Necə deyərlər, Rusiyanın quyruğunu tapdaladı. Bildirdi ki, Rusiyanın Ermənistana verdiyi silahlar, xüsusilə "İsgəndər” əməliyyat-taktiki kompleksinin raketləri köhnə idi, silahların atdığı raketlərin çoxu ya hədəfdən yan keçir, ya da partlamır”.

Bunu Sfera.az-a açıqlamasında politoloq Qabil Hüseynli deyib. O bildirib ki, Paşinyanın açıqlaması ciddi etirazlara səbəb olub:
 
"Xüsusilə bu, Rusiyanın silah satışına kölgə saldı. Görünür, Ermənistandakı ruspərəstlər Rusiyanın müəyyən dairələrindən göstərişlər alaraq artıq Paşinyanı devirmək qərarına gəliblər. Bunu da orduya həvalə ediblər. Çünki 20-yə yaxın partiyanı birləşdirən müxalifətin demək olar ki, Paşinyana gücü çatmır, əhali müxalifəti müdafiə etrmir. Dünən axşamüstü ordunun baş qərargah rəisi, müavinləri, ordunun idarə rəisləri, eləcə də bir sıra korpusun komandirləri – təxminən 40-a qədər yüksək rütbəli zabit Paşinyanın hakimiyyətdən getməsini tələb etdilər.
 
Paşinyan da baş qərargah rəisinin müavinini dərhal işdən azad etdi, xalqa müraciət edərək onları Respublika meydanında mitinqə çağırdı. Yəni, vəziyyət çox gərgindir, qarşıdurma elementləri mövcuddur. Müxalifət tərəfdarları ilə Paşinyan tərəfdarları arasında toqquşma ehtimalı var. Amma bütövlükdə belə görünür ki, Rusiya da artıq Paşinyanla vidalaşmağı düşünür. Bu baxımdan onun hakimiyyətdə qalması üçün xalqın böyük dəstəyi tələb olunur”.

Politoloq bildirib ki, Paşinyan meydanlarda 100-150 min adam yığa bilsə, hakimiyyətini qoruyub saxlaya biləcək: "Digər tərəfdən Paşinyanın hakimiyyətə dirənəcəyi təqdirdə ona qarşı sui-qəsd ehtimalı da var. Paşinyan səmimi danışmaq istədi, amma siyasətdə səmiyyəti kimdir qəbul edən? O, hər şeyi açmamalı idi. Açıqlamaları haqlı olaraq Rusiyanı qıcıqlandırdı. "İsgəndər” raketləri Paşinyan üçün başağrısı oldu”.

Müsahibimiz həmçinin Paşinyanın hakimiyyətdən getdiyi təqdirdə Qarabağ bəyanatlarının qüvvədə qalıb-qalmayacağı ilə bağlı da danışıb: "Bəyanatlar qüvvədə qalmalıdır, onun böyük hissəsi yerinə yetirilib. Paşinyan bizim üçün ən uyğun adam idi, reallıqları görə bilirdi. Buna baxmayaraq yerinə başqası gəlsə də, Azərbaycan ordusu var, qardaş Türkiyə var”.

Günay Rəsulqızı
Sfera.az
 

Turan Bank

OXŞAR XƏBƏRLƏR

Səfər Mehdiyev Elman Rüstəmova meydan oxudu: İttihamları əsassızdır

"Ölkədən 1,1 milyard manat ekvivalentində nağd valyutanın çıxarılması məsuliyyətini Dövlət Gömrük Komitəsi Mərkəzi Bankın, MB-də DGK-nın üzərinə atır”.   ...

Erməni məmur Rüstəm Muradovu ölümlə HƏDƏLƏDİ

Ermənistanın Avan rayonu merinin müavini Nerses Poqosyan Azərbaycanın Qarabağ bölgəsindəki Rusiya sülhməramlı kontingentinin komandiri, general-leytenant Rüstəm...

"Bu təzminat məsələsində də bizim mövqeyimizi gücləndirəcək" - UNESCO Azərbaycanla bağlı qərarını niyə dəyişdi?

Xəbər verdiyimiz kimi ölkə başçısı İlham Əliyev bu gün Azərbaycan Respublikasının Prezidenti İlham Əliyev aprelin 9-da BMT Baş Assambleyasının 75-ci sessiyasını...

"Çalışırıq ki, bu ədalətsizliyi aradan qaldıraq" - Prezident vaksinlərin bölüşdürülməsindən DANIŞDI

"Sizinlə dəfələrlə görüşmüşdük, Bakıda siz dəfələrlə olmusunuz. Amma bu dəfə BMT Baş Assambleyasının prezidenti kimi səfər edirsiniz. Çox gözəl hadisədir. Şadam...

Razılaşma son anda pozulub? - Bakıdan Yerevana “əsir” aparmalı olan təyyarə niyə sərnişinsiz uçdu...

"İlham Əliyevi Putinlə söhbət qane etməyib, yaxud Ermənistan son anda razılaşmanı pozub. "Əsir” məsələsi ətrafında baş verənlər bu iki fərqli nəticəni ortaya ...

“Rəsmi Bakı Rusiyaya nota verə bilər...” - “İsgəndər-M” raketlərilə ilə bağlı tutarlı açıqlama gecikir

"Şuşaya atılan "İsgəndər-M” raketlərilə bağlı Moskvadan izahat tələb edə, hətta nota verə bilərik. Amma elə reaksiya göstərməliyik ki, həm Azərbaycanın maraql...