No Image
No Image

Rusiya miqrantları ölkədən qovur: Ən çox hansı ölkə zərər görəcək?

Rusiya miqrantları ölkədən qovur: Ən çox hansı ölkə zərər görəcək?
Xəbər verdiyimiz kimi Rusiya hökuməti MDB ölkələrindən olan 1 milyondan çox qanunsuz miqranta iyunun 15-nə kimi ölkəni tərk etməyi tələb edib. Daxili İşlər Nazirliyinin rəsmisi onları öz gücünə çıxaracağını və ya onların Rusiyaya yolunu birdəfəlik bağlayacaqlarını bəyan edib. 
 
Sfera.az-ın məlumatına görə, bununla bağlı  iqtisadçı ekspert Samir Əliyev bildirib ki, məsələnin maraqlı tərəfi bu açıqlamanın məhz MDB-nin Parlamentlərarası Assambleyasının iclasında verilməsidir:

"Tədbirdə açıqlanan statistik məlumata inansaq, hazırda Rusiyadakı qanunsuz miqrantların sayında ölkələrin bölgüsü belədir: Özbəkistan (332 min), Tacikistan (247 min), Ukrayna (152 min), Azərbaycan (120 min), Qırğızıstan (115 min), Ermənistan (61 min), Moldova (56 min), Qazaxıstan (49 min).
Görünən budur ki, Rusiya miqrantlardan təzyiq vasitəsi kimi istifadə edir. Bu, ilk hal deyil. Dövrü olaraq Rusiya rəsmiləri oxşar açıqlamalar verib".

Ekspertin sözlərinə görə,  hər il milyardlarla dollar həcmində vəsait miqrantlar vasitəsilə Rusiyadan çıxarılır:

"Bunda qanunsuz hesab edilənlərin də payı var. Məsələn, 2020-ci ildə MDB ölkələrinə gedən pulun həcmi 11 milyard dollardan çox olub. Bu vəsaitin əsas hissəsi Qırğızıstan ($2 milyard), Tacikistan ($1,9 milyard) və Özbəkistanın ($3,9 milyard) payına düşüb.

Remittansların həcminə baxanda belə qərarda daha çox Orta Asiya ölkələrinin zərər çəkəcəkləri görünür. Bu addımın təkcə ildə 800 milyon dollardan çox vəsait göndərilən və 152 min qanunsuz miqrant olduğu bildirilən Ukraynaya görə edildiyini söyləmək inandırıcı gəlmir. Böyük ehtimalla bu addım Ukrayna ilə yanaşı digər ölkələrə, o cümlədən Azərbaycan və Ermənistana hədəflənib".

S.Əliyev qeyd edib ki, ötən il Azərbaycana 863,2 milyon dollar, Ermənistana 800 milyon dollara yaxın pul köçürülüb:

"Bir neçə həftə əvvəl Rusiya prezidentinin mətbuat katibi Dmitri Peskov miqrantların ölkə iqtisadiyyatı üçün vacibliyini qeyd etmişdi. İndi isə əks bir fikir açıqlanır. Miqrantların Rusiyadan çıxarılması istənilən halda onların vətənində sosial gəginlik yaradacaq. Belə baxanda Rusiyanın özü üçün də fəsadsız ötüşməyəcək. Ucuz və hərtərəfli işçi qüvvəsi ölkə iqtisadiyyatına əhəmiyyətli paya malikdir. 

Eyni zamanda Rusiya əhalisinin azalma tempi məhz miqrantlar hesabına yavaşıyır. Belə vəziyyətdə Rusiya niyə özünə problem yaratsın? Yəqin bu addımla Rusiya bəzi ölkələri cəzalandırmaq istəyir. Məsələn, Ukraynanı Kırım və Donbas hadisələrinə, Ermənistanı Rusiyadan üz döndərməkdən çəkindirməyə, Azərbaycanın isə Avrasiya İqtisadi Birliyinə qoşulmamasına görə".

Günay Rəsuqızı
Sfera.az
Sehliyali
Turan Bank

OXŞAR XƏBƏRLƏR

Lavrovun Bakıda səfər planı AÇIQLANDI

Rusiya Xarici İşlər naziri Sergey Lavrov 10-11 may tarixlərində Azərbaycana səfəri zamanı Respublika Prezidenti İlham Əliyevlə görüşəcək. Sfera.az xəbər v...

Baydendən növbəti ermənipərəst addım - Azərbaycan necə reaksiya verəcək?

Xəbər verdiyimiz kimi Amanta Pauer ABŞ Beynəlxalq İnkişaf Agentliyinə (USAID) rəhbər gətirilib.   Ermənipərəst mövqeyi ilə diqqət çəkən siyasətçinin bu v...

Azərbaycanda nazirliklərin və komitələrin sayı azaldıla bilər - "Baş nazir müavinləri postu da ləğv olunsun"

"Hazırda Azərbaycanda 17 nazirlik, 7 Dövlət Komitəsi və 7 Agentlik fəaliyyət göstərir. Mən təklif edirəm ki, Nazirliklərin sayı 11-ə, Komitələrin sayı isə 3-ə e...

Prezidentdən yeni TƏYİNAT: Səhiyyə naziri vəzifəsinin icrası ona tapşırıldı

Teymur Yusif oğlu Musayev Azərbaycan Respublikası səhiyyə nazirinin birinci müavini təyin edilib.   Sfera.az-ın xəbərinə görə, bununla bağlı Prezident İl...

"Hədəflər əvvəlkindən tamamilə fərqlidir" - Türkiyənin Azərbaycana təyin etdiyi yeni səfirə hansı tapşırıqlar verilib?

Türkiyənin Azərbaycana yeni təyin olunmuş səfiri Cahid Bağcı artıq Bakıya gələrək, fəaliyyətə başlayıb.   Görəsən, qardaş ölkənin yeni səfirindən nə kimi...

Paşinyan: “Onlar Zəngəzur dəhlizi deyir, bizim də Naxçıvan dəhlizimiz olacaq”

Ermənistanın baş naziri Nikol Paşinyan ötən həftəsonu Vayotszor vilayətinə səfəri zamanı regionda nəqliyyat yollarının açılması məsələsinə də toxunub.  ...