Safura yenidən səhnəyə qayıdır - FOTO

Azərbaycanı 2010-cu ildə "Avroviziya” beynəlxalq mahnı yarışmasında "Drip-drop” mahnısı ilə təmsil edən, mərhum Energetika Naziri Natiq Əliyevin oğlu Fərhad Əliyevlə ailə qurub, səhnədən gedən Safura yenidən müğənniliyə başlayır.

Oxu.Az xəbər verir ki, "INFE Azerbaijan” səhifəsi məlumat yayıb.

Bildirilir ki, Safura Uil Teylor və Maykl Ceyms Daun tərəfindən hazırlanan "High On Your Love” adlı yeni mahnı ilə səhnəyə dönüş edir.

Sənətçi 2013-cü ildə ailə qurub. Onun bu evlilikdən üç övladı var. 

Qeyd edək ki, bu barədə xəbəri ilk olaraq Axşam.az saytı yayıb.