Həbsxanadakı tələbə təhsilini niyə davam etdirə bilmir? – Ekspert rəyi

Həbsxanadakı tələbə təhsilini niyə davam etdirə bilmir? – Ekspert rəyi
 

"Həbsdə olan şəxslərin cəzaçəkmə müddətdə ali təhsil almaları üçün ölkəmizdə hüquqi və maddi-texniki baza yox dərəcəsindədir”


Sfera.az-a açıqlamasında bunu Azərbaycanda qapalı müəssisələrdə cəza çəkən insanların həmin müddətdə təhsil almalarına nədən şərait yaradılmamasına münasibət bildirərkən təhsil eksperti Məlahət Mürşüdlü deyib.


Halbuki, həmsöhbətimizin də vurğuladığı kimi, hüquq buna imkan verir: "Hüquqi baxımdan qanun imkan verir ki, həbsdə olan müddətdə vətəndaş istər orta təhsilini davam etdirsin, istərsə də ali təhsil alsın. Həbsdən çıxan tələbə gənclər də təhsilini davam etdirmək hüququna malikdir. Universitetlər onu bərpa etmirsə, hüquqi müstəvidə məhkəmə yolu ilə məsələni həll etmək mümkündür.

 

Ancaq məsələ ondadır ki, həbs edilən şəxslərin bu müddət ərzində ali təhsil almalarına hüquq imkan versə də, ölkəmizdə bunun üçün maddi-texniki baza yox dərəcəsindədir. Dünyada distant təhsil deyilən anlayış var. Ölkəmizdə isə bu forma hələlik praktikada mövcud deyil. Baxmayaraq ki, universitetlərlə bağlı qanunda distant təhsilə icazə verilir. Ancaq bu işi həyata keçirmək üçün hələlik nə hüquqi, nə də maddi-texniki baza vardır. Hətta rayonlarda yaşayan insanlarımız belə distant təhsildən yararlana bilmir. Bu baxımdan da digər ölkələrdə olduğundan fərqli olaraq, Azərbaycanda həbsdə olarkən təhsili davam etdirmək qeyri-mümkündür. Yalnız həbsdən çıxandan sonra bu mümkündür, bu zaman hüquq baxımdan heç bir qadağa yoxdur. Həbsxanalarda cəza çəkənlərin bu müddətdə ali təhsil almaları üçün distant təhsilin nədən tətbiq edilmədiyini deməkdə çətinlik çəkirəm. Halbuki ölkəmizdə elə universitetlər var ki, onların maddi-texniki bazası distant təhsilin həyata keçməsinə imkan verir. Bu universitetlər də dəfələrlə Təhsil Nazirliyinə müraciət etmələrinə baxmayaraq, qurum nə "hə”, nə də "yox” deməməklə məsələni bloklayır, cavablandırmır. Nə səbəbdən belə etdiklərini isə söyləyə bilmərəm. Məlum deyil, dünya praktikasında geniş yayılan bu praktikadan nədən yararlanmaq istəmirlər. Azərbaycanda həbsxanalarda 15-16 yaşlı yeniyetmələr üçün orta məktəblər fəaliyyət göstərir. Onlar burada orta təhsili davam etdirirlər”.


Qeyd edək ki, əksər ölkələrdə həbsdə olaraq cəza çəkən insanlar həmin müddət ərzində ali təhsil almaq hüququna malikdirlər və bir çox məhbuslar bu hüquqdan yararlanırlar. Azərbaycana gəldikdə isə, qanunda buna heç bir qadağa yoxdur. Ancaq nədənsə, məhkumların ali təhsil alması praktikası ölkəmizdə yox dərəcəsindədir. Ümumiyyətlə, distant təhsildən istifadə olunmur. Onu da vurğulayaq ki, hazırda Azərbaycan həbsxanalarında 121 tələbə cəza çəkir.

 

 

ELÇİN


OXŞAR XƏBƏRLƏR

İlham Əliyev Milli Qurtuluş Günü ilə bağlı paylaşım etdi

​​​​​​Azərbaycan Prezidenti İlham Əliyev Milli Qurtuluş Günü münasibətilə sosial şəbəkədə paylaşım edib.   Sfera.az xəbər verir ki, dövlət başçı...

G7 liderlərindən İrana çağırış

İtaliyada keçirilən Böyük Yeddilik (G7) sammitində iştirak edən dünya liderləri İranı ballistik raketləri və müvafiq texnologiyaları Rusiyaya ötürməməyə çağırıb...

Bu şəxslər üçün parklanma pulsuz olacaq - VİDEO

“Əvvəlki yanaşma belə idi ki, işçi xidməti parklanma ərazisində boş yer tapdığı halda parklanma ödənişsiz olurdu. İndi isə, həmin ərazilər müəyyən edilir....

Azərbaycanda benzin istehsalı nə qədər artdı? - CƏDVƏL

Bu ilin yanvar-may aylarında Azərbaycanda neft məhsullarının istehsalı sahəsində istehsalın ümumi dəyəri 2155.4 mln. manat olmaqla, əvvəlki ilin müvafiq dövrü i...

Kürdəmirdə də leysan fəsadlar törətdi

Kürdəmirdə aramsız leysan fəsadlar törədib.   Sfera.az axar.az-a istinadən xəbər verir ki, günün ikinci yarısında başlayan güclü yağışdan sonra əmələ...

Putin Ukraynada döyüşən Rusiya hərbçilərinin sayını açıqlayıb

Rusiya Prezidenti Vladimir Putin Ukrayna ərazisində 700 minə yaxın hərbi qulluqçusunun savaşdığını açıqlayıb.   Sfera.az “Report”a istina...