Futbol dünyasının ulduz qardaşları - FOTO
11:12 / 03.04.2019
5153
Dünya futbolunun məşhur simalarının qardaşlarının çıxış etdiyi klublarla bağlı məlumat yayılıb. Ulduz futbolçular əslən bir millətə məxsus olsa da, bəzi qardaşlar fərqli millilərdə çıxış ediblər.
Bundan əlavə futbolçu qardaşların karyeralarına nəzər yetirdikdə onların fərqli mövqelərdə çıxış etməsini də müşahidə etmək mümkündür.
Tiaqo Alkantara - Rafael Alkantara | "Barselona" bazasında yetişən qardaşlardan Rafael Braziliya millisində oynasa da, Tiaqo İspaniya yığmasını seçib.
Aleksey Berezutskiy - Vasiliy Berezutskiy | İllərlə "MOİK" və Rusiya yığmasında top qovan 37 yaşlı əkiz qardaşlar futbol karyeralarının son dövrünü yaşayır.
Həmid Altıntop - Xəlil Altıntop | Bir dövr "Şalke 04"də çıxış edən əkiz futbolçular Türkiyə futbolunda öz sözlərini deyiblər. "Bayern Münhen" və "Real Madrid" kimi nəhənglərdə top qovan, daha sonra isə "Qalatasaray"a keçən Həmid Altıntop, qardaşı Xəlil kimi 2018-ci ildə karyerasını başa vurub.
Fabio Kannavaro - Paolo Kannavaro | Karyerasına Neapolda başlayan və futbol tarixinin ən yaxşı müdafiəçilərindən olan Fabio Kannnavaro 2006-ci ildə İtaliya yığması ilə Dünya çempionu olub. Qardaşı Paolo Kannavaro qardaşı Neapolda futbola başlayıb və ötən mövsüm "Sassuolo" klubunda karyerasını başa vurub.
Kevin Prins Boatenq - Jerome Boatenq | Kevin, qardaşı Jeromedən yalnız bir yaş böyükdür. Böyük qardaş Qana millisində çıxış etsə də, kiçik qardaşı Almaniya yığmasını seçib. Kevin Prins Boatenq hazırda "Barselona", Jerome Boateng isə "Bayern Münhen"də top qovur.
Eden Hazard - Thorqan Hazard - Kylian Hazard | Biri dünya ulduzu, digər ikisi isə qardaşlarının kölgəsindən çıxmaq üçün mübari aparırlar. Qardaş olmaları ilə yanaşı, üçünün digər ortaq xüsusiyyəti "Çelsi" heyətində yer almalarıdır.
Qonzalo Hiquain - Federiko Hiquain | Argentina millisi və "Çelsi"nin forvardı Qonzalo Higuain bir çox Avropa nəhənginin formasını geyinib. Qardaşı olan və karyerasını "MLS"də davam etdirən Federiko Higuain isə qısa dövr "Beşiktaş"da çıxış edib.
Romelu Lukaku - Cordan Lukaku | "Mançester Yunayted"də forma geyinən Romelu Lukaku hələ 16 yaşında Belçikada qol kralı olub. Sol müdafiəçi mövqeyində çıxış edən Cordan Lukaku isə "Serie A"da "Lazio" forması geyir.
Dieqo Milito - Qabriel Milito |Hücumçu mövqeyində çıxış etmiş Dieqo Milito 2010-cu ildə Çempionlar Liqasını "İnter"lə qazanıb. Qardaşı Qabriel Milito isə dörd il ərzində "Barselona" formasını geyinib. O, Dieqodan fərqli olaraq müdafiəçi mövqeyində çıxış edirdi.
Pol Poqba - Florentin Poqba - Mathias Poqba | Pol 2016-cı ildə rekord qiymətə "Mançester Yunayted"ə transfer olunub. Müdafiəçi mövqyində çıxış edən Florentin bir dövr "Gənclərbirliyi" forması geyinib. Mərkəz hücumçusu oynayan Mathias isə karyerasını "Ligue 2"də davam etdirir.FaktXəbər
