Qanalı məşhur futbolçu Maykl Essyen "Səbail"lə müqavilə imzalayıb. 

36 yaşlı futbolçu paytaxt klubu ilə danışıqları yekunlaşdırıb. Anlaşmaya əsasən, futbolçu 2020-ci ilin yayına qədər ölkəmizdə çıxış edəcək. Essyen "Səbail"də həmçinin U-19 komandasının köməkçi məşqçi kimi fəaliyyət göstərəcək.

Qeyd edək ki, Essyen karyerası ərzində Fransanın "Bastiya”, "Lion", İngiltərənin "Çelsi", İspaniyanın "Real", İtaliyanın "Milan” , Yunanıstanın "Panatinaikos" və İndoneziyanın "Persib Bandunq" klublarının formasını geyinib.