Cavad Zərif Bəşər Əsədə görə istefa edib – İlginc İDDİA

Sfera.az türk mediasına istinadən xəbər verir ki, Cavad Zərif görüş zamanı çəkilən şəkil üçün "dünyada etibarı yoxdur” ifadəsini işlədib.

İranda fəaliyyət göstərən "Entekhab” saytının yayımladığı xəbərə görə, Cavad Zərif müxbirin sualına qısa şəkildə bu cür cavab verib:

"Bu gün baş tutan görüşlərdəki fotolardan sonra Cavad Zərifin xarici işlər naziri olaraq artıq dünyada etibarı yoxdur”.

İranlı Tələbələr Xəbər Agentliyinin (ISNA) verdiyi məlumata görə, Zərifin mesajında ötən gün Suriya lideri Bəşər Əsədin İranın Ali dini lideri Ayətullah Əli Xamenei və İran prezidenti Həsən Ruhani ilə baş tutan görüşlərini nəzərdə tutduğu bildirilib.

İran parlamentinin sədri Əli Rza Rahimi verdiyi açıqlamasında Zərifin istefa qərarına reaksiya göstərək bunları deyib:

"İkinci bir Zərif yoxdur. Onun yerinə gələcək şəxs ya zərərverici idarəyə itaət edəcək, ya da inqilab adına qazanılan bir çox şeyləri məhv edəcək. Əgər Zərifin istefası geçəkləşərsə, bu daxildəki müxalifətin xəncərinin iti olduğu mənasına gəlir. Sabah parlamentdə Cavad Zərifin istefasının pərdəarxası məqamları araşdırılacaq”.

Qeyd edək ki, Cavad Zərifin iştirak etmədiyi görüşdən çəkilən fotolarda İran İnqilab Keşikçiləri Ordusunun komandiri Suleyman Qasıminin görünməsi diqqət çəkib.

Xatırladaq ki, ötən gün Cavad Zərif şəxsi "İnstagram” səhifəsində İran xalqına istefa etməsiylə bağlı açıqlama verib.

Sfera.az