İdmançı 35 ildə 90 nəfəri öldürdü
![İdmançı 35 ildə 90 nəfəri öldürdü](https://sfera.az/photo/orginal/2019/02/18/269323.jpg)
19:10 / 18.02.2019
4035
Amerikanın Federal Tədqiqat Bürosu serial qatil Samuet Litlın öldürdüyü qadınların rəsmlərini yayıb. Məqsəd kimliyi müəyyən olunmayan qurbanların şəxsiyyətini araşdırmaqdı.
78 yaşlı qatil 35 il ərzində 90 nəfəri öldürüb. Bütün cinayətlər 1970-2005-ci illərdə ABŞ-da baş verib. Müstəntiqlərə görə Samuel tənha və müdafiəsiz qadınları hədəfə alıb. Əgər etiraf etdiyi qətllər sübut olunarsa o, ölkənin ən çox silsilə qətllər törətmiş qatil adını ala bilər.
Qatilin öldürdüyü qadınlardan cəmi 34-nün şəxsiyyəti müəyyən olunub.
Keçmişdə boksçu olan Samuel öldürdüyü adamları qətl etməkdən əvvəl yumruqlayaraq çoxlu zərbələr vurub. Ona görə də bəzi cəsədlər tanınmaz hala düşüb.
Avara həyat tərzi keçirən Samuel Litıl ilk dəfə 1956-cı ildə həbs olunub. Oğurluq, dələduzluq, narkotika və qadın ticarəti ittihamıyla mühakimə olunub.
Litılın cinayətinin üstü 2012-ci ildə açılıb. Narkotika asılılığına görə evsizlər sığınacağında həbs olunan Samueldən götürülən DNT nümunələri 1980-ci illərdə törədilən, amma üstü açılmayan cinayət işlərindəki nümunələrlə eyniyyət təşkil edib.
90-na qədər insanı öldürdüyünü etiraf edən 78 yaşlı Samuel üç qat ömürlük həbs cəzasına məhkum edilib.
Sfera.az