O, Euronews telekanalına verdiyi müsahibədə Amerikanın göndərdiyi humanitar yardımın zəhərli və istifadə üçün yararsız olduğunu dilə gətirib.

Maduronun sözlərinə görə, onun Kolumbiyadan olan mənbələri, ölkəyə çatan yükün korlandığını söylədiyini diqqətə çatdırıb.

"Məhsullar kanserogen kimyəvi maddələrlə doludur, onlar tələb olunan fitosanitar nəzarətdən keçməyib. Bu isə Kolumbiyanın özündə bir sıra qidadan zəhərlənmə hallarına səbəb olub”, - deyə prezident bildirib.

Maduronun sözlərinə görə, ABŞ və Venesuela müxalifəti ölkənin nüfuzuna xələl gətirmək məqsədilə humanitar yardıma əl atıb.

O, əhalinin zəhərlənəcəyindən qorxduğundan respublikaya göndərilən humanitar yardımı ölkə hüdudlarına buraxmadığını qeyd edib.

Maduro Venesuelanın başqa ölkələrin köməyinə ehtiyacı olmadığını vurğulayıb.

Oxu.az