Dünyanı heyrətləndirən türk qadını - Fotolar
15:40 / 07.02.2019
5221
O, Türkiyənin, ümumilikdə türk dünyasının simvolu olan bir qadındır. Söhbət öz uğurlu kariyerası ilə bütün dünyada tanınan, məşhur alim, professor Dilhan Әryurtdan gedir.
O, NASA-da işlәyәn ilk türk qadın alimi adına layiq görülüb.
Atası Dənizli Millət vəkili Abidin Ege olan Dilhan xanım 29 Noyabr 1926-cı ildə İzmirdə anadan olub. Dilhan Әryurt orta məktəb illərində riyaziyyata xüsusi maraq göstərirdi. Orta məktəbi bitirdikdən sonra İstanbul Universitetinin , Yüksək Riyaziyyat və Astronomiya şöbəsinə daxil olur. Universitetini bitirdikdən sonra Ankara Universitetinin Astronomiya şöbəsinə təyinat alır. Bir müddət Dr. Tevfik Oktay Kabakçıoğlunun köməkçisi kimi çalışır.
Dilhan Әryurt 1959-cu ildә aldığı tәqaüdlә iki illiyinә Kanadaya gedir. Daha sonra National Academy of Sciences tәqaüdünü alaraq NASA-nın Goddard tәdqiqat institutunda işlәmәyә başlayır vә burada Günəş sistemi ilә bağlı araşdırmalar aparır.
Onun adı tarixә ‘‘Günәşә hökm edәn qadın’’ olaraq düşür. Dilhan Әryurt 1969-cu ildә Aya eniş layihәsinә verdiyi töhfәlәrә görә NASA-nın Apollo Uğur Mükafatına layiq görülür.
Bütün dünyada ən cəsur qadın kimi tanınan Dilhan Әryurt 2012-ci ilin sentyabrın 13-də 86 yaşında dünyasını dəyişdi.
Qoşqar Salmanlı
