"Apollon"u yıxdı, Türkiyə bayrağını qaldırdı - Türkiyə mediası "Qəbələ"nin qələbəsindən yazdı
Cəmiyyət
10:23 / 09.08.2015
1889
"Qəbələ" futbol klubunun Cənubi Kiprin "Apollon" klubunu məğlub edərək növbəti mərhələyə çıxması Türkiyə mətbuatının gündəm mövzusuna çevrilib.
"Qəbələ"nin kapitanı Cavid Hüseynovun oyundan sonra, Azərbaycan və Türkiyə bayraqları ilə meydançada qələbə sevincini yaşaması türk mətbuatının manşetinə çıxarılıb. Qardaş ölkəninin mediasında dərc olunan yazılarda deyilir:
""Qəbələ" Avropa Liqasının 3-cü turunun ilk oyununda bərabərə qaldığı "Apollon" komandasını, paytaxt Bakıdakı Bakcell Arenada qonaq edib.
Portuqaliyalı hakim Duarte Qomesin idarə etdiyi qarşılaşmaya hücumla başlayan ev sahibi komanda, ilk yarıda çoxsaylı qol vəziyyətləri yaradıb.
İkinci hissənin 80-ci dəqiqəsində Cavid Hüseynovun penaltidən vurduğu qolla "Qəbələ" 1-0 önə keçib. "Qəbələ" tarixində ilk dəfə UEFA Avropa Liqasının "play-off"ına yüksəlib.
Təxminən 15 min azərbaycanlı azarkeşin izlədiyi qarşılaşmada Türkiyə və Şimali Kipr Türk Cümhuriyyəti lehinə şüarlar səsləndirilib. Matçdakı yeganə qolun sahibi Hüseynov matç sonrasında Türkiyə və Azərbaycan bayraqları ilə meydançada dövr etdi." //Avropa.info
