Hyundai Azərbaycan bazarına yenilənmiş ELANTRA çıxarır

Yenilənmiş Hyundai  Elantra sinfində eksklüziv dizaynı, unikal  komfortu ilə diqqət çəkir və əvvəlkindən fərqli olaraq daha aqressiv, xarizmatik görünüşə malikdir.

Dizaynerlər tərəfindən qarşı bamperdə havalandırma boşluqları və işıq diodları üçün seçilmiş uyğun mövqe Hyundai Elantra-ya özünəməxsus xarakter olan aqressivlik qazandırır.

Avtomobildə ön və arxa fənərlər son standartlar nəzərə alınaraq yenidən dizayn edilib. Xrom qatı ilə örtülmüş incə horizontal xətlər üst hissədən fənərlərlə, aşağı istiqamətdən isə radiator barmaqlığı ilə birləşərək  yeni harmonik kompazisiya yaradır. Arxa bamperdəki özəlliklər isə avtomobilin idman imicini qüvvətləndirir.

Ön fənərlərə xüsusi tətbiq edilmiş  ksenonlar uyğun bucaq altında saçaraq avtomobilin önünü və yan tərəflərini düzgün  işıqlandırır və yenilənmiş Elantra-nın gecə imicinə özünəməxsusluq qazandırır. Avtomobilin əhəmiyyətli dərəcədə yenilik qazanmış ön hissəsindəki daha bir diqqətçəkən məqam fənərlərin  altındakı vertikal kəsimlərdir ki, onlar da həmçinin əyləc sisteminin soyudulmasına xidmət edir.

Hyundai  dizaynerlərinin konstruksiyanın sərtliyinə uyğun standartları tətbiq edərək qazandıqları nailiyyət metalın keyfiyyətini artırır. Bu təkmilləşdirmənin komfortun keyfiyyətinə mənfi təsiri sıfır səviyyəsindədir. Avtomobilin hərəkətinin daha axıcı və dəqiq  olmasına hesablanan bu innovativ tətbiqlər eyni zamanda təhlükəsizliyin təminatını artırır.

Yenilənmiş Hyundai  Elantra malik olduğu aparıcı texnologiyalar sayəsində ani və avtomobilin həcminə hesablanmış həssas əyləc sistemi, öz sinfində eksklüziv olan oturacaqqızdırıcı funksiyanın unikallığı ilə diqqət çəkir.

İnteryerdəki multimedia elementlərinin bolluğu və ahəngdarlığı ağıllı köməkçilərin sayının artmasına, idarəetmə prosesinin həzzə çevrilməsinə xidmət edir.