Gürcüstan Ermənistana gedən yolları bağladı
Dünya
16:30 / 09.01.2019
2568
Gürcüstanın Ninotsminda rayonundan (Samtsxe-Cavaxetiya regionu) Ermənistana gedən yol bağlanıb. Güclü qar, çovğun və külək səbəbindən yolda bütün növ avtomobillərin hərəkəti qadağan edilib.
Bu barədə Gürcüstan Regional İnkişaf Nazirliyinin Avtomobil Yolları Departamenti məlumat yayıb.
Məlumatda bildirilir ki, Axalkalaki şəhərindən Türkiyə sərhədindəki Kartsaxi kəndinə qədər olan yol da bağlanıb. Bu yolda da Türkiyəyə gedən bütün növ avtomobillərin hərəkətinə qadağa qoyulub.
Güclü qar, külək və çovğun səbəbindən Gürcüstanın dövlət əhəmiyyətli bir sıra yollarında da avtomobillərin hərəkəti dayandırılıb.
