Tərlan Eyvazov:”Rusiya Ermənistanı buna görə sıxır”

 

Ermənistan hakimiyyəti əvvəl bunu inkar etsə də, yerli mətbuatın məsələni geniş işıqlandırmasından sonra etiraf etməyə məcbur olub. Qazın qiymətini razılaşdımaq üçün Ermənistnın baş naziri vəzifəsini icra edən Nikol Paşinyan dekabrın 27-də  Rusiya prezidenti Vladimir Putinlə Moskvada görüşəcək. Rəsmi açıqlamada qaz məsələsinin müzakirə ediləcəyi qeyd olunsa da əslində başqa məsələlərin də müzakirə olunacağı gözlənilir. Onlardn biri də Gümrüdə yerləşən 102 saylı Rusiya hərbi hissəsinin gələcək taleyidir. 

 

 

Hərbi ekspert Tərlan Eyvazov Sfera.az-a bu səfərlə bağlı fikirlərini bölüşüb.

 

 

Onun sözlərinə görə Rusiya son zamanlar ipə-sapa yatmayan Ermənistanı ram etmək fikrindədi. "Hamıya bəlidir ki, Rusiya qazdan siyasi məqsədlər üçün istifadə edir. Bunu Ukrayna nümunəsindən gördük. Ermənistan Rusiyanın təsirindən uzaqlaşıb Qərbə üz tutmaq niyyətini açıq şəkildə ifadə etdikdən sonra,  Rusiya ona bölgəyə kimin nəzarət etdiyini göstərmək istəyir. Ermənistanın alternativ kimi İran qazına üz tuta bilməyəcək. Çünki İrandan gələn boru kəmərinin həcmi kiçikdir və başqa riskləri də var. Gümrüdəki hərbi hissənin taleyi məsələsinə gəldikdə isə bunun Ermənistanın Türkyə ilə münasibətlər çərçivəsində müzakirə edilə biləcək." bunu qeyd edən Tərlan Eyvazov regionda prnsiplərin dəyişdiyini də bildirib.

 

 

Hərbi ekspert bildirib ki, Türkiyəyə qarşı ərazi iddiası olan, ərazi bütövlüyünü tanımayan Ermənistanla Türkiyənin sərhədləri SSRİ zamanı müəyyən olunmuş sərhədlərdir. Rusiya hərbçilərinin Türkiyə Ermənistan arsında dayanmaları məhz bu səbəbdən izah olunur. Bundan əlavə Ermənistanın Qərbə daha da yaxınlaşmaması üçün Rusiya hərbi hissəsinin orada olması vacibdir. Rəsmi Mockva qoşunlarını oradan çıxarılmasına heç bir vəchlə razı olmaz. Əlindəki bütün resursları işə salıb Ermənistana təzyiq edəcək.