Rusiyada ağır qəza: iki azərbaycanlı öldü - YENİLƏNİB - FOTO
Voronej bölgəsində baş verən qəza ilə bağlı yeni məlumatlar yayımlanıb.
Sfera.az oxu.az-a istinadən xəbər verir ki, bununla bağlı Boruçarsk rayon xəstəxanasından bildirilib.
Qəza zamanı ölənlərin ikisi də kişidir:
"Onlar və yaralanan yeddi nəfər Azərbaycan vətəndaşlarıdır. Qəzaya uğrayan mikroavtobus reys üzrə hərəkət etmirmiş.
Yaralılardan biri reanimasiyadadır, ikisinin vəziyyəti orta ağırdır, dördünə isə ambulator yardım göstərilib", - məlumatda qeyd edilib.
-----------
14:15
Rusiyanın Voronej vilayətində baş vermiş avtomobil qəzası nəticəsində iki Azərbaycan vətəndaşı həlak olub.
Sfera.az Trend-ə istinadən xəbər verir ki, vilayətin Boquçarovsk rayonu ərazisində mikroavtobusla yük maşını toqquşub.
Qəza nəticəsində daha 3 azərbaycanlının xəsarət aldığı bildirilir. Xəsarət alanlar xəstəxanaya yerləşdirilib.
Qeyd olunur ki, mikroavtobusda 9 nəfər olub.