Bu dəfə Putin oyuna girir... - Vəliəhdlə ANLAŞMA

Bu dəfə Putin oyuna girir... - Vəliəhdlə ANLAŞMA
ABŞ prezidenti Donald Trampın Səudiyyə kralı əlbir olub neftin qiymətini kəskin aşağı salmasından sonra oyuna Rusiya prezidenti Vladimir Putin daxil olur.
 
Argentinada bu gün işə başlayan G20 sammiti çərçivəsində Putin Səudiyyə Ərəbistanının vəliəhd şahzadəsi , müxalif jurnalist Camal Xaşoginin öldürülməsinə görə hədəfdə olan Məhəmməd bin Salmanla görüşündə hasilatın artırılması barədə razılıq əldə edəcək. Bu razılaşmanın dekabrın əvvəllərində Vyanada keçiriləcək OPEC+ toplantısında rəsmiləşdiriləcəyi gözlənilir.

Bu xəbərlərdən sonra dünya bazarlarında bareli təxminən 58 dollara qədər ucuzlaşan "Brent” nefti yenidən bir qədər bahalaşıb, amma 60 dolları keçə bilməyib. Oktyabrın əvvəllərindən isə "Brent” markalı neft 30 faizə qədər ucuzlaşıb. Əgər hasilatın artırılması barədə Putin-Salman anlaşması rəsmiləşərsə analitiklər qiymətin yenidən 70 dollara qədər arta biləcəyini təxmin edir.

"Reuters” xəbər verir ki, Moskva Vyana toplantısı ərəfəsində OPEC ölkələri ilə hasilatın azaldılmasına dair yeni anlaşma barədə danışıqlar aparır. Əsas danışıqlar Səudiyyə Ərəbistanı il gedir, amma müddət və ixtisarın həcmi barədə məlumat yoxdur. Noyabrın 27-də isə Rusiyanın energetika naziri Aleksandr Novak neft şirkətlərinin bosslarını kabinetinə toplayıb və onlarla OPEC+ razılaşmasının gələcəyini müzakirə edib.

Bu razılaşma OPEC üzvü olan və olmayan neft ölkələrinin hasilatın həcmini gündə 1.5 milyon barrel azaltmasını nəzərdə tuturdu. Həmin razılaşma sayəsində bir vaxtlar 50 dollardan da aşağı enən neft yenidən bahalaşdı və bir neçə ay əvvələ qədər 80 dollardan da baha satılırdı. Anlaşmanın əldə edilməsində Putinin həlledici rolu vardı, çünki Rusiya prezidenti Səudiyyə Ərəbistanı kralını öz tərəfinə çəkməyə nail olmuşdu.

Neftin bahalaşması sayəsində Rusiya iqtisadiyyatı az da olsa dirçəldi, rublun dəyərdən düşməsi prosesi qismən dayandı. Amma indi Tramp Tvitter-də lovğalanır ki, o, ABŞ-ın müttəfiqi Səudiyyə Ərəbistanı ilə neft hasilatının artırılması üçün anlaşdı və nəticədə qiymətlər kəskin aşağı düşdü. Belə vəziyyət isə günü-gündən sərtləşən sanksiyaların təsiri altında olan Rusiya iqtisadiyyatı üçün heç də arzuolunan deyil. Və əlbətdə ki, Putini ciddi narahat etməlidir. Nəticədə Putin Xaşoginin öldürülməsinə görə hakimiyyəti laxlayan vəliəhdlə anlaşır və dekabrın 6-da Vyanada hasilatın azaldılmasına dair yeni razılaşmanın əldə olunmasına çalışır.

Amma Tramp da sürprizləri xoşlayır. Məsələn o, G20 sammitində Putinlə görüşünü praktiki olaraq təyyarəyə oturarkən ləğv edib. Bu baxımdan məlum deyil ki, OPEC+ razılaşmasının gələcəyi ilə bağlı kralın özünün qərarı necə olacaq.

Hələlik isə neft treyderləri gözləmə mövqeyindədir və Argentinadan gələcək xəbərləri gözləyirlər. Nəticədə neftin qiyməti 60 dollardan bir qədər aşağıda nisbi sabitləşib. Əgər Putin-Salman görüşünün nəticəsi olaraq hasilatın azaldılması qərarı rəsmən açıqlanarsa gözlənilir ki, qiymətin artma tendensiyası başlayacaq.
 
/Virtualaz.org
 


 

OXŞAR XƏBƏRLƏR

65 yaşlı müəllimdən imtahanda yüksək nəticə

Ümumi təhsil müəssisələrində riyaziyyat fənnini tədris edən müəllimlər üçün sertifikatlaşdırılma imtahanında könüllü iştirak edən 65 yaşlı müəlim yüksək nəticə ...

Azərbaycanda toyda kütləvi zəhərlənmə - ADLAR - YENİLƏNDİ - 2

Ağstafada toyda zəhərlənənlərin sayı artıb.   Sfera.az-ın məlumatına görə, Ağstafa rayonunda yerləşən şadlıq saraylarından birində keçirilən toy...

Olland: "Fransada makronizm erası bitmək üzrədir"

“Fransada makronizm (Fransa prezidenti Emmanuel Makron - Qeyd) erası bitmək üzrədir”.   Sfera.az xəbər verir ki, bu barədə Fransanın keçm...

Bolqar şahzadəsinin illər ərzindəki dəyişimi görənləri şoka salır - Fotolar

Bolqarıstan şahzadəsi Kalina təkcə həyatındakı qalmaqallı anları ilə tanınmır. Onun xarici görünüşündə baş verən dəyişikliklər son vaxtlar cəmiyyətdə narahatlıq...

Qax və Zaqatala sakinləri Alazan çayında BATDILAR

Qax və Zaqatala sakinləri Alazan çayında batıblar.   Sfera.az-ın məlumatına görə, iyun ayının 20-də Qax rayon Qaysarlı kənd sakini Hümbətov Rövşən Hü...

Pakistan genişmiqyaslı antiterror əməliyyatına BAŞLADI

Pakistanın Baş naziri Şahbaz Şərif yeni genişmiqyaslı antiterror kampaniyasını təsdiqləyib.   Sfera.az xəbər verir ki, bu barədə Pakistan hökumətinin...