I-IV qrupları üzrə imtahanlarda abituriyentlərin 48.7 faizi 200-dən az bal topladı

I-IV qrupları üzrə imtahanlarda abituriyentlərin 48.7 faizi 200-dən az bal topladı
Bu il I-IV ixtisas qrupları üzrə qəbul imtahanlarında abituriyentlərin 48.7%-i 200-dən az bal toplayıb.

Sfera.az-ın xəbərinə görə, bu barədə Dövlət İmtahan Mərkəzinin (DİM) nəşr etdiyi "Abituriyent” jurnalının 12-ci sayında bildirilib.

Jurnalda qeyd olunub ki, qəbulda toplanılması mümkün olan maksimal bal 700-dür: "0-700 bal diapazonunu şərti olaraq (0-199), (200-299), (300-499), (500-700) intervallarına bölərək, ənənəvi "2”,"3”,"4”,"5” qiymətləri ilə analogiyasını yaratsaq, görərik ki, bu il abituriyentlərin 48.7 faizi imtahandan "2”, 18.4%-i "3”, 22.9%-i "4”, 10.0%-i isə "5” qiymət alıb. Ötən il bu göstəricilər, uyğun olaraq, 55.4%, 16.7%, 19.4%, 8.4% olub. Göründüyü kimi, bu il "2” qiymət alanların faizi nisbətən azalıb, "3”,"4” və "5” qiymət alanların faizi isə artıb. Təbii ki, qəbul imtahanlarında iştirak edən abituriyentlərin topladıqları balların paylanması strukturunda və qəbul planında baş verən dəyişikliklər qəbul olan abituriyentlərin ballarının paylanmasında da öz əksini tapıb. Qəbul olanların topladıqları balların paylanma diaqramından görünür ki, onların 32.9%-ni "3”, 44.4%- ni "4”, 19.1%-ni isə "5” qiymət alanlar təşkil edib. Ötən il bu göstəricilər, uyğun olaraq, 34.6%, 45.0%, 19.2% olub. V ixtisas qrupu üzrə ərizə verib qəbul (cari ilin məzunları üçün tam orta təhsil səviyyəsi üzrə buraxılış) imtahanlarında iştirak edən və qəbul olan abituriyentlərin bal göstəriciləri isə aşağıdakı diaqramlarda təsvir edilib. Bu imtahanlarda toplanılması mümkün olan maksimal bal 90-dır. Qəbul (buraxılış) imtahanlarında iştirak edən abituriyentlərin 5.9%-nin topladığı bal 20-dən aşağıdır. Qəbul olan abituriyentlər arasında 20-dən az bal toplayan yoxdur. Qəbul imtahanlarında iştirak edənlərin əksəriyyətinin imtahan nəticəsi (50–59) və daha aşağı bal intervallarında yerləşdiyi halda, qəbul olan abituriyentlərin nəticəsi əsasən (60–69) və (70–90) bal intervallarında daxildir”.

Bu il Xızı, Xaçmaz, Samux, Qobustan, Göygöl, Lerik, Ağsu, Sabirabad, Şamaxı, Lənkəran, Ağdaş, Şərur, Şəmkir, Goranboy və Quba rayonlarının cari il məzunlarını təmsil edən abituriyentlərin 30%-dən çoxunun qəbul imtahanlarında topladığı bal 100-dən aşağı olub.

OXŞAR XƏBƏRLƏR

Çimərliklərdə istirahət neçəyə başa gəlir?

Dənizkənarı yerləşən xidmət obyektləri çimərlik mövsümünə hazırlaşır. Artıq əksər restoran və iaşə obyektləri çimərlik mövsümünə tam hazır vəziyyətə gətirilib. ...

Kanalda batan Azərbaycan hərbçisinin meyiti tapıldı

Samur-Dəvəçi-Abşeron su kanalında boğulan hərbçinin cəsədi sudan çıxarılıb.   Sfera.az xəbər verir ki, Xaçmaz rayonunun Köhnə Xudat kənd sakini, Azər...

Qazaxın azad edilən 4 kəndində bərpa işlərinə başlanılacaq

Qarabağın və Şərqi Zəngəzurun bərpası ilə bağlı nəzərdə tutulan proqram Qazax rayonunun Ermənistanla sərhəddə yerləşən və Azərbaycana yeni qaytarılan 4 kəndində...

Həmişə bu ölkələrlə həmrəy olmuşuq - İlham Əliyev

Azərbaycan Prezidenti İlham Əliyev beynəlxalq konfransın iştirakçılarına müraciət edib.   Sfera.az xəbər verir ki, müraciətdə deyilir:   &...

Ordumuz bu ərazilərdə mövqelərini möhkəmləndirir

Dövlət müstəqilliyimizin əsas atributlarından biri sayılan üçrəngli bayrağımızın əzəmətlə dalğalandığı işğaldan azad edilmiş ərazilərdə rəşadətli Azərbaycan Ord...

Faciəvi şəkildə həlak olan hərbçimizin FOTOSU

Bu gün faciəli şəkildə həlak olan hərbçi Elvin Daşdəmir oğlu Eyvazov Xaçmaz rayonunun, Köhnə Xudat kəndinin sakinidir.   Sfera.az xəbər verir ki, o, ...