Suriyada Rusiya telekanallarının 3 əməkdaşı yaralandı
10:44 / 12.04.2018
2007
Suriyada dünən axşam saatlarında naməlum şəxslər tərəfindən Rusiya jurnalistlərini aparan avtobus atəşə tutulub.
Sfera.az Rusiyanın "mk.ru” saytına istinadən xəbər verir ki, bu barədə RF Müdafiə Nazirliyi məlumat yayıb.
Bildirilib ki, hadisə Rusiya telekanallarının əməkdaşları Şərqi Qutadakı vəziyyətlə bağlı süjet hazırladıqdan sonra geri qayıdarkən baş verib.
Nəticədə "NTV" telekanalının müxbiri Aleksey İvlev, "Zvezda" telekanalının operatoru Vladislav Dadonov, "Россия-1" telekanalının operatoru Mixail Vitkin xəsarət alıb. Onlar ayaqlarından yaralanıb.
Yaralı jurnalistlərə həkimlər tərəfindən birbaşa hadisə yerində tibbi yardım göstərilib.
Tibbi hospitala yerləşdirilmiş yaralı jurnalistlərin həyatı təhlükəsi yoxdur.
