Lənkəranda 22 ədəd top mərmisi tapıldı
Hadisə
19:51 / 06.03.2018
2533
Lənkəranın rayonun Liman şəhərində ANAMA-nın əməkdaşları tərəfindən ümumilikdə 17 ədəd 122 mm-lik BK13 və 5 ədəd isə 122 mm-lik OF8 top mərmisi aşkarlanıb.
Sfera.az bildirir ki, axtarışlar növbəti günlərdə də davam etdiriləcək. İşlər tam olaraq yekunlaşdıqdan sonra isə mərmilərin zərərsizləşdirilməsinə başlanılacaq.
Məlumata görə ərazidə sovet dövründə hərbi hissə yerləşib. Bu mərmilər də həmin vaxtdan qalıb. Hazırda ərazidə təsərrüfat işlərinin görülməsi qadağan edilib, post qurulub. Yaxınlıqda yaşayan sakinlər arasında maarifləndirilmə işləri aparılır. Təmizləmə işləri tam başa çatdıqdan sonra ərazi sakinlərin istifadəsinə veriləcək.
ANAMA-nın Xüsusi Mobil Əməliyyat qrupunun rəhbəri Böyükağa Haqverdiyevin sözlərinə görə, bu günə qədər Lənkəran rayonunda 300-dən çox mina, 1000-dən çox isə müxtəlif növ sursat zərərsizləşdirilib.(APA)
